കണ്ണൂരില്‍ വന്‍ സ്വര്‍ണവേട്ട; 15 ലക്ഷത്തിന്റെ സ്വര്‍ണം വിമാനത്തിന്റെ സീറ്റില്‍ ഒളിപ്പിച്ച നിലയില്‍ കണ്ടെത്തി

കണ്ണൂര്‍ രാജ്യാന്തര വിമാനത്താവളത്തില്‍ വീണ്ടും സ്വര്‍ണ വേട്ട. വിമാനത്തിന്റെ സീറ്റില്‍ ഒളിപ്പിച്ച നിലയില്‍ 15 ലക്ഷം രൂപയുടെ സ്വര്‍ണം പിടികൂടി. ബുധനാഴ്ച്ച പുലര്‍ച്ചെ 4.45ന് മുംബൈയിലേക്ക് പോകാന്‍ ഷെഡ്യൂള്‍ ചെയ്ത വിമാനത്തില്‍ നിന്നാണ് സ്വര്‍ണം കണ്ടെത്തിയത്.

ബുധനാഴ്ച്ച 3.45 ന് അബുദാബിയില്‍ നിന്നെത്തിയ ഗോഫസ്റ്റ് വിമാനത്തില്‍ സീറ്റ് നമ്പര്‍ 14ബിയില്‍ ലൈഫ് ജാക്കറ്റില്‍ ഒളിപ്പിച്ച നിലയിലാണ് എയര്‍ കസ്റ്റംസ് സ്വര്‍ണ ചെയിന്‍ കണ്ടെത്തിയത്.

കസ്റ്റംസ് അസിസിറ്റന്റ് കമ്മീഷണര്‍ ഇ വികാസ്, സൂപ്രണ്ടുമാരായ വി പി ബേബി, പി മുരളി, എം കെ രാമചന്ദ്രന്‍, ഇന്‍സ്‌പെക്ടര്‍മാരായ ആസ്വിന നായര്‍, പങ്കജ്, സൂര്ജ് ഗുപ്ത എന്നിവരാണ് പരിശോധനയ്ക്ക് നേതൃത്വം നല്‍കിയത്. സംഭവത്തില്‍ കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു.

Content Highlights – Kannur International Airport, Gold worth Rs 15 lakhs hidden in Aeroplane seat was seized