കായംകുളത്ത് എംഡിഎംഎയുമായി ദമ്പതികള്‍ പിടിയില്‍. ബംഗളൂരുവില്‍ നിന്നെത്തിയ മുതുകുളം സ്വദേശികളായ അനീഷും ഭാര്യയുമാണ് പൊലീസിന്റെ പിടിയിലായത്. ഇവരുടെ പക്കല്‍ നിന്ന് 67 ഗ്രാം എംഡിഎംഎ പൊലീസ് പിടിച്ചെടുത്തു. അറസ്റ്റ് രേഖപ്പെടുത്തിയ ഇരുവരേയും ചോദ്യം ചെയ്ത് വരികയാണ്.
ഇന്ന് രാവിലെ അഞ്ച് മണിയോടെയാണ് ദമ്പതികള്‍ കായംകുളത്ത് എത്തിയത്. ജില്ലാ പോലീസ് മേധാവിയുടെ സ്പെഷ്യല്‍ സ്‌ക്വാഡിന് ലഭിച്ച രഹസ്യവിവരത്തിന്റെ അടിസ്ഥാനത്തിലാണ് കായംകുളത്ത് നിന്ന് ഇവരെ പിടികൂടിയത്. വൈദ്യപരിശോധനയ്ക്ക് ശേഷം ഇരുവരെയും കോടതിയില്‍ ഹാജരാക്കും.
150 ഗ്രാമിലധികം എംഡിഎംഎയാണ് കഴിഞ്ഞ ഒരാഴ്ച്ചയ്ക്കിടെ ആലപ്പുഴ ജില്ലയുടെ വിവിധ ഭാഗങ്ങളില്‍ നിന്ന് പൊലീസ് പിടികൂടിയത്. ലഹരിവസ്തുക്കളുടെ വരവ് വര്‍ദ്ധിച്ച സാഹചര്യത്തില്‍ കനത്ത ജാഗ്രതയിലാണ് പൊലീസ്.
Content Highlight – Couple arrested with MDMA in Kayamkulam
Trending Now
