ചരിത്രമെഴുതി കേരളം; ആദ്യമായി രഞ്ജി ട്രോഫി ക്രിക്കറ്റ് ഫൈനലിലേക്ക്

ചരിത്രമെഴുതി കേരള ക്രിക്കറ്റ് ടീം. ഗുജറാത്തിനെതിരായ സെമിയിൽ രണ്ട് റൺസിന്റെ ഒന്നാം ഇന്നിങ്സ് ലീഡുമായി കേരളം ആദ്യമായി രഞ്ജി ട്രോഫി ഫൈനലിലേക്ക് ടിക്കറ്റെടുത്തു. കേരളം ഫൈനലിൽ എത്തുന്നത് ചരിത്രത്തിൽ ആദ്യമാണ്. മുംബൈ- വിദർഭ രണ്ടാം സെമി ഫൈനലിലെ വിജയികളെയാകും കേരളം നേരിടുക.

457 എന്ന കേരളത്തിന്റെ സ്‌കോർ മറികടക്കാൻ ഗുജറാത്തിന് കഴിഞ്ഞില്ല. 455 റൺസിൽ അവരുടെ പോരാട്ടം അവസാനിച്ചപ്പോൾ, നിർണ്ണായകമായ ആ 2 റൺസിന്റെ ഒന്നാം ഇന്നിംഗ്സ് ലീഡിൽ കേരളം ആദ്യ ഫൈനൽ ഉറപ്പിക്കുകയായിരുന്നു.