വിജയ് ബാബുവിന്റെ ഒളിയിടം കണ്ടെത്താനാകാതെ പൊലീസ്

നടിയെ ബലാത്സംഗം ചെയ്ത കേസില്‍ വിദേശത്ത് ഒളിവില്‍ക്കഴിയുന്ന പ്രതി വിജയ്ബാബു എവിടെയാണെന്ന് ഇനിയും കണ്ടെത്താനാകാതെ പൊലീസ്. മൊബൈല്‍ ഫോൺ കേന്ദ്രീകരിച്ചുള്ള അന്വേഷണമാണ് ഇപ്പോൾ നടക്കുന്നത്. ഇന്റർപോളിന്റെ സഹായത്തോടെ വിജയ് ബാബുവിനെ പിടിക്കാനാണ് പൊലീസ് നീക്കം.

കഴിഞ്ഞദിവസം മജിസ്ട്രേട്ട് കോടതിയില്‍നിന്നു ലഭിച്ച അറസ്റ്റ് വാറന്റ് ആഭ്യന്തര മന്ത്രാലയം വഴി ഇന്റര്‍പോളിനും ദുബായ് പൊലീസിനും കൈമാറിയിട്ടുണ്ട്. ഇകാര്യത്തിൽ തുടർനടപടി ആവിശ്യപ്പെട്ട് കൊച്ചി സിറ്റി പൊലീസ് ആഭ്യന്തര മന്ത്രാലയത്തിന് കത്തയിച്ചു.

വിജയ് ബാബുവിന്റെ താമസ സ്ഥലത്തിന്റെ വിലാസം കിട്ടിയാലുടന്‍ ഇന്റര്‍പോള്‍ റെഡ് കോര്‍ണര്‍ നോട്ടീസ് പുറപ്പെടുവിക്കുമെന്ന് സിറ്റി പൊലീസ് കമ്മിഷണര്‍ സി.എച്ച്. നാഗരാജു അറിയിച്ചു.

Content Highlight: Kerala police still looking for Vijay Babu’s address for Interpol to issue red corner notice.