കണ്ണൂര്‍ സര്‍വ്വകലാശാലയില്‍ വീണ്ടും ചോദ്യപേപ്പറില്‍ ആവര്‍ത്തനം

കണ്ണൂര്‍ സര്‍വ്വകലാശാലയില്‍ വീണ്ടും ചോദ്യപേപ്പറില്‍ ആവര്‍ത്തനം. എംസി മാത്തമാറ്റിക്‌സ് നാലാം സെമസ്റ്റര്‍ പരീക്ഷയുടെ ചോദ്യപേപ്പറാണ് കഴിഞ്ഞ വര്‍ഷത്തിന്റേത് പോലെ തനി ആവര്‍ത്തനമായത്.

തിങ്കളാഴ്ച്ച നടന്ന എംഎസ്‌സി പരീക്ഷയിലാണ് കഴിഞ്ഞ വര്‍ഷത്തെ ചോദ്യങ്ങള്‍ ആവര്‍ത്തിച്ചത്.അഞ്ചാം തവണയാണ് ചോദ്യപേപ്പറുകള്‍ ഇങ്ങനെ ആവര്‍ത്തിക്കുന്നത്. സിലബസിനു പുറത്തു നിന്നാണ് കഴിഞ്ഞ വര്‍ഷങ്ങളില്‍ 90 ശതമാനവും ചോദ്യങ്ങളും വന്നതെന്ന പരാതിയും ഉയര്‍ന്നു വന്നിരുന്നു.

ഇതിനു മുന്നേ സൈക്കോളജിയുടെ രണ്ട് പേപ്പറുകളും, ബോട്ടണി, മലയാളം എന്നിവയുടെ ചോദ്യപേപ്പറുകളിലും പ്രശ്‌നങ്ങള്‍ ഉണ്ടായിരുന്നതായി കണ്ടെത്തിയിരുന്നു. സംഭവത്തില്‍ വിശദമായ അന്വേഷണം നടത്തുമെന്ന് സര്‍വ്വകലാശാല അധികൃതര്‍ അറിയിച്ചു.

Content Highlight – Repeated questions found in kannur university exams