തലയോലപ്പറമ്പില്‍ വന്‍ കഞ്ചാവു വേട്ട; കാറില്‍ കടത്താന്‍ ശ്രമിച്ച 105 കിലോ കഞ്ചാവ് പിടിച്ചു

കോട്ടയം തലയോലപ്പറമ്പില്‍ വന്‍ കഞ്ചാവു വേട്ട. കാറില്‍ കടത്താന്‍ ശ്രമിച്ച 105 കിലോ കഞ്ചാവ് പോലീസ് പിന്തുടര്‍ന്നു പിടിച്ചു. സംഭവത്തില്‍ രണ്ടു പേര്‍ അറസ്റ്റിലായിട്ടുണ്ട്. കോട്ടയം കരിപ്പൂത്തട്ട് സ്വദേശി കെന്‍സ് സാബു, മുണ്ടക്കയം സ്വദേശി രഞ്ജിത്ത് എന്നിവരാണ് പിടിയിലായത്. ഞായറാഴ്ച രാവിലെയായിരുന്നു സംഭവം.

എറണാകുളം ഭാഗത്തു നിന്നാണ് കാര്‍ എത്തിയത്. രഹസ്യ വിവരത്തിന്റെ അടിസ്ഥാനത്തില്‍ പോലീസ് വെട്ടിക്കാട്ടുമുക്കില്‍ വെച്ച് കാര്‍ തടയാന്‍ ശ്രമിച്ചെങ്കിലും പ്രതികള്‍ കാറുമായി പോലീസിനെ വെട്ടിച്ച് മുന്നോട്ടു പോയി. ഇതേത്തുടര്‍ന്ന് പോലീസ് കാറിനെ പിന്തുടര്‍ന്നു. കാറിലുണ്ടായിരുന്നു ഒരാള്‍ ഇതിനിടെ ഡോര്‍ തുറന്ന് രക്ഷപ്പെടാന്‍ ശ്രമിച്ചെങ്കിലും ഇയാളൈ പോലീസ് പിടികൂടി.

കാറുമായി കടന്നുകളയാന്‍ ശ്രമിച്ച രണ്ടാമനെ തലയോലപ്പറമ്പ് ജംഗ്ഷന് സമീപത്തു വെച്ച് പിടികൂടുകയായിരുന്നു. പ്രതികളെ ചോദ്യം ചെയ്തു വരികയാണെന്ന് പോലീസ് അറിയിച്ചു.