കൊച്ചിയില്‍ പതിമൂന്ന് ഗ്രാം എംഡിഎംഎയുമായി നാല് യുവാക്കള്‍ പിടിയില്‍

മാരക മയക്കു മരുന്നായ എംഡിഎംഎയുമായി യുവാക്കള്‍ കൊച്ചി സിറ്റി പോലിസിന്റെ പിടിയിലായി. നോര്‍ത്ത് റെയില്‍വേ സ്റ്റേഷന് സമീപത്തുള്ള ഹോട്ടലില്‍ നിന്നുമാണ് കാസര്‍കോട്, കടംകുളം , ചെറുവത്തൂര്‍ ഹൗസ്, നാസര്‍ മകന്‍ 30 വയസുളള നവാസ്, കണ്ണൂര്‍, പയ്യന്നൂര്‍, മുണ്ടേല്‍ ഹൗസ്, ദമോദരന്‍ മകന്‍ 26 വയസുളള, ജിതേഷ് എന്നിവരെ 13.14ഗ്രാം എംഡിഎംഎയുമായി പിടികൂടിയത്. ബാംഗ്ലൂരില്‍ നിന്ന് കേരളത്തിലേക്ക് മയക്കു മരുന്ന് എത്തിച്ചു വില്‍പ്പന നടത്തുന്ന സംഘത്തില്‍പെട്ട ഇവരെ ആഴ്ചകളായി പോലീസ് നിരീക്ഷിച്ച് വരുകയായിരുന്നു.

ബസ്സ് മാര്‍ഗം നവാസ് എംഡിഎംഎ കൊച്ചിയിലെത്തിക്കുമ്പോള്‍ അത് ഇവിടെ ചെറിയ അളവിലാക്കി വില്‍ക്കാന്‍ സഹായിക്കുന്നത് ജിതേഷാണ്. കൊച്ചി സിറ്റി പോലീസ് കമ്മീഷണര്‍ സേതുരാമന് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ കൊച്ചി സിറ്റി ഡെപ്യൂട്ടി പോലീസ് കമ്മീഷണര്‍ ശശിധരന്റെ നിര്‍ദേശാനുസരണം എറണാകുളം ടൗണ്‍ നോര്‍ത്ത് പോലീസും കൊച്ചിസിറ്റി യോദ്ധാവ് സ്‌ക്വാഡും സൈബര്‍ സെല്ലിന്റെ സഹായത്തോടെ സംയുക്തമായി നടത്തിയ പരിശോധനയില്‍ ആണ് പ്രതികള്‍ പിടിയിലായത്.