ആത്മഹത്യ ചെയ്യാന്‍ പ്രേരിപ്പിച്ചു; യുവാവിനെ പിടികൂടി പൊലീസ്

ആത്മഹത്യാ പ്രേരണക്കുറ്റത്തിന് യുവാവ് അറസ്റ്റില്‍. കൊല്ലം എടമുളക്കല്‍ ആയുര്‍ പൊയ്കവിള വീട്ടില്‍ ബിബിന്‍ ബിജു ഡാനിയല്‍ (30) നെയാണ് ഞാറക്കല്‍ പോലീസ് അറസ്റ്റ് ചെയ്തത്. പുതിയ വീട്ടില്‍ ശ്രീകാന്ത് മരണപ്പെട്ട കേസിലാണ് പ്രതിയെ പിടികൂടിയത്.

ശ്രീകാന്ത് ജോലി ചെയ്തിരുന്ന ഡി.ബി. സ്‌റ്റൈല്‍ എന്ന സ്ഥാപനത്തിന്റെ ഉടമയാണ് പ്രതി. ബിബിന്റെ ബൈക്ക് ശ്രീകാന്തിന് ഓടിക്കാന്‍ നല്‍കിയിരുന്നു. ഇത് നഷ്ടപെട്ടു. ബൈക്ക് തിരികെ കിട്ടുന്നതിന് ശാരീരികമായും മാനസികമായും ശ്രീകാന്തിനെ പീഡിപ്പിക്കുകയും, ശ്രീകാന്തിന്റെ അച്ചന്‍ ഉപയോഗിച്ച കാര്‍ പ്രതി കൈവശപ്പെടുത്തുകയും ചെയ്തിരുന്നു.

സബ് ഇന്‍സ്‌പെക്ടര്‍മാരായ ഏ.കെ.സുധീര്‍ ,പി എന്‍ ഷിബു , ഏ.എസ്.ഐ രാധാകൃഷ്ണന്‍ സി.പി. ഒമാരായ ഉമേഷ്, സ്വരാഭ്, സനല്‍ തുടങ്ങിയവര്‍ ചേര്‍ന്നാണ് പ്രതിയെ അറസ്റ്റ് ചെയ്തത്.

Content Highlights – A young man was arrested for the crime of inciting suicide