ആദ്യം അടിച്ചു കയറി വീഡിയോ ചെയ്തത് ആരാണ് ? ഒപ്പമിരുന്ന് ഭക്ഷണം കഴിക്കാൻ റിയാസ് ഖാൻ തേടുന്നു

ദുബായ് ജോസിന്റെ ‘അടിച്ചു കേറി വാ’ എന്ന ഡയലോഗ് തരംഗമാക്കിയ ആളെ തേടി നടൻ റിയാസ് ഖാൻ . അടുത്തിടെ ഏറ്റവും ഹിറ്റായ ഡയലോഗുകളിലൊന്നാണിത് .

ദുബായ് ജോസിനെയും , ഡയലോഗിനെയും ഇത്രയും പ്രശസ്തനാക്കിയ ആളെ കണ്ടെത്തി ഫോട്ടോ എടുക്കണമെന്നും , ഒപ്പം ആഹാരം കഴിക്കണമെന്നുമൊക്കെയാണ് റിയാസ് ഖാന്റെ ആഗ്രഹം .ഇക്കാര്യം അറിയിച്ച്‌ റിയാസ് ഖാൻ ഒരു വീഡിയോയും സമൂഹമാദ്ധ്യമത്തില്‍ പങ്ക് വച്ചു.

“എ ആഗ്രഹത്തിനുവേണ്ടിയാണ് ഈ വീഡിയോ ഇടുന്നത്. ‘അടിച്ചുകേറി വാ’ എന്ന വീഡിയോ ആദ്യമായി സോഷ്യല്‍മീഡിയയില്‍ പോസ്റ്റ് ചെയ്തയാള്‍ ആരാണ്? ഫസ്റ്റ് ഇട്ടയാള്‍ . എനിക്കയാളോട് നന്ദി പറയണം. അതുകൊണ്ട് സത്യസന്ധമായി ആളെ കണ്ടെത്താന്‍ സഹായിക്കണം . ഒരുമിച്ചൊരു ഫോട്ടോ എടുക്കണം. ലഞ്ചോ ഡിന്നറോ ഒപ്പമിരുന്ന് കഴിക്കണം. നന്ദി പറയണം.” റിയാസ് ഖാൻ പറഞ്ഞു

2004ല്‍ പുറത്തിറങ്ങിയ ജലോല്‍സവം എന്ന ചിത്രത്തിലെ റിയാസ് ഖാന്‍ അവതരിപ്പിച്ച ദുബായ് ജോസ് എന്ന കഥാപാത്രം അടുത്തിടെ വലിയ തരംഗം സൃഷ്ടിച്ചിരുന്നു. സിനിമയില്‍ ദുബായ് ജോസ് പറയുന്ന ‘അടിച്ചു കേറി വാ’ എന്ന ഡയലോഗാണ് വൈറലായത്. അന്ന് ചിത്രത്തില്‍ വലിയ ശ്രദ്ധ ലഭിക്കാതെ പോയ ഡയലോഗ് വര്‍ഷങ്ങള്‍ക്ക് ശേഷം വൈറലായി മാറുകയായിരുന്നു