പ്ലസ് ടു കണക്ക് പരീക്ഷയില്‍ യാത്രാ ധനുഷ് നേടിയത് തകര്‍പ്പൻ സ്കോര്‍, അഭിനന്ദനപ്രവാഹം

മിടുമിടുക്കനായി പ്ലസ് ടു പരീക്ഷയില്‍ ഉന്നതവിജയം നേടി ധനുഷിന്റേയും ഐശ്വര്യ രജനികാന്തിന്റെയും പുത്രൻ യാത്രാ ധനുഷ്.

ഒരു വേർപിരിയലിന്റെ പേരില്‍ നടൻ ധനുഷും കുടുംബവും വാർത്തകള്‍ നീളെ ചർച്ചയായിക്കഴിഞ്ഞു. ഐശ്വര്യയും ധനുഷും ഇരുവഴി പിരിയുമ്ബോള്‍ അവരുടെ മക്കള്‍ രണ്ടുപേർ അച്ഛനൊപ്പമോ അമ്മയ്‌ക്കൊപ്പമോ എന്ന ചോദ്യം ബാക്കിയാവുന്നുണ്ട്.

കുടുംബപ്രശ്‌നങ്ങള്‍ എന്തായാലും നടൻ ധനുഷിന്റെ മകൻ പഠനത്തില്‍ മിടുമിടുക്കാനാണ്. യാത്രാ ധനുഷിന്റെ പ്ലസ് ടു പരീക്ഷയുടെ മാർക്ക് പുറത്തുവന്നു കഴിഞ്ഞു. യാത്രയും ലിംഗയുമാണ് ഐശ്വര്യയുടെയും ധനുഷിന്റേയും മക്കള്‍. യാത്രയാണ് മൂത്ത മകൻ. ധനുഷിന്റെ തനിപ്പകർപ്പ് എന്ന വിശേഷണം പലപ്പോഴും യാത്രയ്ക്ക് ലഭിച്ചിട്ടുണ്ട്.

സിനിമാ കുടുംബത്തിലെ ഇളയസന്തതി ആണെങ്കിലും, കണക്കില്‍ യാത്ര നേടിയ മാർക്ക് അഭിനന്ദനം അർഹിക്കുന്നു. 600ല്‍ 569 ആണ് യാത്രാ ധനുഷിന്റെ മാർക്ക്. ചെന്നൈയിലെ മുന്തിയ സ്കൂളിലായിരുന്നു പഠനം. ഇപ്പോള്‍ ധനുഷിന്റെ പുത്രന് 18 വയസ് പ്രായമുണ്ട്. എല്ലാ പരീക്ഷയ്ക്കും 90 ശതമാനത്തിനു മുകളിലാണ് യാത്രാ ധനുഷിന്റെ മാർക്ക്. ഇംഗ്ലീഷില്‍ 92 മാർക്കുണ്ട്.

ഗണിതത്തില്‍ 99, ഫിസിക്സില്‍ 91, രസതന്ത്രത്തില്‍ 92, ബയോളജിയില്‍ 97, എന്നിങ്ങനെ മാർക്ക് നേടി യാത്രാ ധനുഷ് വിവിധ വിഷയങ്ങളില്‍ തൻ്റെ അക്കാദമിക മികവ് പ്രകടിപ്പിച്ചു. ഈ സ്കോറുകള്‍ ശാസ്ത്രത്തിലും ഭാഷാപഠനത്തിലുമുള്ള യാത്രയുടെ ധാരണയും പ്രാവീണ്യവും പ്രതിഫലിപ്പിക്കുന്നു

ഉയർന്ന മാർക്കുകള്‍ നേടിയെങ്കിലും, ഇതേക്കുറിച്ച്‌ ഔദ്യോഗിക വിവരം പുറത്തുവന്നിട്ടില്ല. പക്ഷെ മകന്റെ മാർക്കിനെ കുറിച്ച്‌ ധനുഷ് സോഷ്യല്‍ മീഡിയ പോസ്റ്റുമായി രംഗത്തെത്തിക്കഴിഞ്ഞു.