കേരളത്തിലെ ഏറ്റവും കഴിവ് കെട്ട വകുപ്പ് ആയി മാറിയോ ആരോഗ്യ വകുപ്പ്?
ആദ്യം സംഭവിക്കുന്നത് അശ്രദ്ധ ; അശ്രദ്ധ തുടർക്കഥ ആയാലോ?

പ്ര​സ​വ ശ​സ്ത്ര​ക്രി​യ​ക്കി​ടെ വ​യ​റ്റി​ൽ ക​ത്രി​ക കു​ടു​ങ്ങി​യ സം​ഭ​വം കേരളത്തിൽ സൃഷ്‌ടിച്ച കോ​ളി​ള​ക്കം ചെറുതല്ലായിരുന്നു .. എന്നാൽ ആ വിഷയത്തിൽ ആ​രോ​ഗ്യ​വ​കു​പ്പ് തു​ട​ക്കം മു​ത​ൽ സ്വീ​ക​രി​ച്ച​ നിലപാട് കു​റ്റ​ക്കാ​രാ​യ ഡോ​ക്ട​ർ​മാ​രെ സം​ര​ക്ഷി​ക്കു​ന്ന രീതിയിൽ ആയിരുന്നു . ആ വലിയ ദു​ര​നു​ഭ​വം നേ​രി​ട്ട പ​ന്തീ​രാ​ങ്കാ​വ് സ്വ​ദേ​ശി​നി ഹ​ർ​ഷി​ന​യുടെ മൂ​ന്ന് പ്ര​സ​വ ശ​സ്ത്ര​ക്രി​യ​ക​ളും സ​ർ​ക്കാ​ർ ആ​ശു​പ​ത്രി​ക​ളി​ൽ നി​ന്നാ​ണ് ന​ട​ത്തി​യ​ത്.
കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ൽ ന​ട​ത്തി​യ ശ​സ്ത്ര​ക്രി​യ​യി​ൽ വ​യ​റ്റി​ൽ​നി​ന്ന് ക​ത്രി​ക പു​റ​ത്തെ​ടു​ത്തെ​ങ്കി​ലും ഇ​ത് എ​വി​ടെ​നി​ന്നാ​ണ് കു​ടു​ങ്ങി​യ​തെ​ന്ന് ക​ണ്ടെ​ത്താ​നാ​വി​ല്ല എ​ന്നാ​യി​രു​ന്നു ഈ വിഷയത്തിൽ ആ​രോ​ഗ്യ​വ​കു​പ്പി​ന്‍റെ നി​ല​പാ​ട്. എ​ന്നാ​ൽ, കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ൽ ന​ട​ത്തി​യ ശ​സ്ത്ര​ക്രി​യ​ക്കി​ടെ​യാ​ണ് ക​ത്രി​ക വ​യ​റ്റി​ൽ കു​ടു​ങ്ങി​യ​തെ​ന്ന് ഉള്ള കാര്യം പൊ​ലീ​സ് ശാ​സ്ത്രീ​യ​മാ​യി ക​ണ്ടെ​ത്തി. പക്ഷെ പോലീസിന്റെ ഈ ​റി​പ്പോ​ർ​ട്ട് അം​ഗീ​ക​രി​ക്കാ​നും മെ​ഡി​ക്ക​ൽ ബോ​ർ​ഡ് ത​യാ​റാ​യി​ല്ല.
പി​ന്നീ​ട് ഹ​ർ​ഷി​ന​യും സ​മ​ര​സ​മി​തി​യും പ്ര​തി​ഷേ​ധം ശ​ക്ത​മാ​ക്കി​യ​തോ​ടെ അ​ന്വേ​ഷ​ണ​വു​മാ​യി മു​ന്നോ​ട്ടു പോ​കാ​ൻ പൊ​ലീ​സി​ന് സ​ർ​ക്കാ​ർ അ​നു​വാ​ദം ന​ൽ​കു​ക​യാ​യി​രു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ൽ കോ​ട​തി​യി​ൽ കു​റ്റ​പ​ത്രം സ​മ​ർ​പ്പി​ച്ചെ​ങ്കി​ലും ഒരു നടപടിയും ഉണ്ടായില്ല . ചി​കി​ത്സ​യി​ൽ വീ​ഴ്ച വ​രു​ത്തി​യ ഡോ​ക്ട​ർ​മാ​ർ​ക്കും ന​ഴ്സു​മാ​ർ​ക്കും എ​തി​രെ ഇതുവരെയും ഒരു നടപടിയും സ്വീ​ക​രി​ച്ചി​ട്ടി​ല്ല.
ചി​കി​ത്സാ പി​ഴ​വി​ൽ നീ​തി തേ​ടി ഹ​ർ​ഷി​ന കോ​ഴി​ക്കോ​ട് മെ​ഡി​ക്ക​ൽ കോ​ള​ജി​നു മു​ന്നി​ൽ സ​മ​രം ന​ട​ത്തു​ന്ന​തി​നി​ടെ​യാ​യി​രു​ന്നു ഡോ​ക്ട​ർ​മാ​രു​ടെ​യും ആ​രോ​ഗ്യ​പ്ര​വ​ർ​ത്ത​ക​രു​ടെ​യും സം​ര​ക്ഷ​ണ​ത്തി​ന് കൂ​ടു​ത​ൽ ശ​ക്ത​മാ​യ നി​യ​മം നി​യ​മ​സ​ഭ പാ​സാ​ക്കി​യ​ത്.

ഇത് പോലെ തന്നെ ഒട്ടും സന്തോഷത്തോടെ അല്ല നമ്മൾ ആരുംഇന്നലത്തെ ആ വാർത്ത കേട്ടതും , ഉൾക്കൊണ്ടതും . സന്തോഷത്തോടെ അല്ല എന്ന് പറഞ്ഞാൽ ശക്തമായാ എതിർപ്പും ,വിമർശനവും തന്നെയാണ് കോഴിക്കോട് മെഡിക്കൽ കോളേജിൽ സംഭവിച്ച ഗുരുതര അശ്രദ്ധയിൽ പറയാനുള്ളത് . ഒരിക്കൽ സംഭവിക്കുന്നത് അശ്രദ്ധ കൊണ്ടാണെന്ന് പറയാം ,, അതൊരു തുടർക്കഥ ആകുന്നുണ്ടെകിൽ കഴിവ് കെട്ട ഒരു വകുപ്പ് നയിക്കുന്നത് കൊണ്ട് മാത്രം ആണെന്നെ പറയാൻ സാധിക്കൂ ..
ഇത്തരത്തിലുള്ള ഗു​രു​ത​ര പി​ഴ​വു​ക​ൾ ആ​വ​ർ​ത്തി​ക്കു​മ്പോ​ഴും ബ​ന്ധ​പ്പെ​ട്ട ഡോ​ക്ട​ർ​മാ​ർ​ക്കും ജീ​വ​ന​ക്കാ​ർ​ക്കു​മെ​തി​രെ ന​ട​പ​ടി​യെ​ടു​ക്കാ​ൻ ആ​രോ​ഗ്യ​വ​കു​പ്പ് അ​മാ​ന്തം കാ​ണി​ക്കു​ന്ന​ത് തന്നെയാണ് സ​മാ​ന സം​ഭ​വ​ങ്ങ​ൾ ആ​വ​ർ​ത്തി​ക്കാ​ൻ കാ​ര​ണ​മാ​കു​ന്നത് .
കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ലെ ഐ.​സി.​യു പീ​ഡ​ന​വും ശ​സ്​​​ത്ര​ക്രി​യ ഉ​പ​ക​ര​ണം വ​യ​റ്റി​ൽ മ​റ​ന്നു​വെ​ച്ച സം​ഭ​വ​വും വാ​ർ​ത്ത​ക​ളി​ൽ നി​റ​ഞ്ഞു​നി​ൽ​ക്കു​ന്ന​തി​നി​ടെ, അ​വ​യ​വം മാ​റി ശ​സ്ത്ര​ക്രി​യ റി​പ്പോ​ർ​ട്ട് ചെ​യ്യ​പ്പെ​ട്ട​തോ​ടെ​യാ​ണ് രോ​ഗി​ക​ളു​ടെ സു​ര​ക്ഷ സം​ബ​ന്ധി​ച്ച ച​ർ​ച്ച​ക​ൾ വീ​ണ്ടും സ​ജീ​വ​മാ​കു​ന്ന​ത് . അത് സർക്കാർ ആശുപത്രികളിൽ ആയാലും , സ്വ​കാ​ര്യ ആ​ശു​പ​ത്രി​ക​ളികും ആയാലും ഇ​തു​ത​ന്നെ​യാ​ണ് അ​വ​സ്ഥ.
ഡോ​ക്ട​ർ​മാ​രു​ടെ ഭാ​ഗ​ത്തു​നി​ന്ന് ഗു​രു​ത​ര വീ​ഴ്ച സം​ഭ​വി​ച്ച​താ​യി പൊ​ലീ​സ് അ​ന്വേ​ഷ​ണ​ത്തി​ൽ ക​ണ്ടെ​ത്തി​യാ​ൽ​പോ​ലും ശ​ക്ത​മാ​യ ന​ട​പ​ടി സ്വീ​ക​രി​ക്കാ​ൻ ആ​രോ​ഗ്യ​വ​കു​പ്പ് ത​യാ​റാ​വു​ന്നി​ല്ല. ഡോ​ക്ട​ർ​മാ​രു​ടെ സം​ഘ​ട​ന​ക​ളി​ൽ​നി​ന്നു​ള്ള സ​മ്മ​ർ​ദ​മാ​ണ് ഇ​തി​ന് പി​ന്നി​ലെ​ന്നാ​ണ് ആ​രോ​പ​ണം.
ചി​കി​ത്സാ പി​ഴ​വി​ൽ രോ​ഗി​ക​ൾ​ക്കും നീ​തി ല​ഭി​ക്കു​ന്ന​തി​ന് ആ​വ​ശ്യ​മാ​യ നി​യ​മം ഉ​ണ്ടാ​വ​ണ​മെ​ന്ന് വി​വി​ധ കോ​ണു​ക​ളി​ൽ​നി​ന്ന് ആ​വ​ശ്യം ഉ​യ​ർ​ന്നെ​ങ്കി​ലും സ​ർ​ക്കാ​ർ ന​ട​പ​ടി​യൊ​ന്നും സ്വീ​ക​രി​ച്ചി​ട്ടി​ല്ല. കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ൽ ഐ.​സി.​യു​വി​ൽ യു​വ​തി പീ​ഡ​ന​ത്തി​ന് ഇ​ര​യാ​യ കേ​സി​ലും കു​റ്റ​ക്കാ​രാ​യ ആ​രോ​ഗ്യ പ്ര​വ​ർ​ത്ത​ക​രെ സം​ര​ക്ഷി​ക്കു​ന്ന നി​ല​പാ​ടാ​ണ് വ​കു​പ്പ് സ്വീ​ക​രി​ച്ച​ത്.
ഒ​രു വ​ർ​ഷം മു​മ്പ് സ്വ​കാ​ര്യ ആ​ശു​പ​ത്രി​യി​ൽ കാ​ലു​മാ​റി ശ​സ്ത്ര​ക്രി​യ ന​ട​ത്തി​യ കേ​സി​ലും സ​മാ​ന​മാ​യി​രു​ന്നു അ​വ​സ്ഥ. ചി​കി​ത്സ പി​ഴ​വ് കാ​ര​ണം സ്വ​കാ​ര്യ ആ​ശു​പ​ത്രി​യി​ൽ കു​ഞ്ഞ് മ​രി​ച്ച സം​ഭ​വ​ത്തി​ൽ വാ​ദി​ക​ൾ പ്ര​തി​ക​ളാ​വു​ന്ന അ​വ​സ്ഥ​യും ഉ​ണ്ടാ​യി.
താ​മ​ര​ശ്ശേ​രി​യി​ൽ ഗ​ർ​ഭി​ണി​ക്ക് ചി​കി​ത്സ ന​ൽ​കു​ന്ന​തി​ൽ വീ​ഴ്ച സം​ഭ​വി​ച്ച​തി​ലും കു​റ്റ​ക്കാ​ർ​ക്കെ​തി​രേ വ​കു​പ്പു​ത​ല ന​ട​പ​ടി ഉ​ണ്ടാ​യി​ട്ടി​ല്ല. ഇ​ത്ത​രം കേ​സു​ക​ളി​ൽ പൊ​ലീ​സ് അ​ന്വേ​ഷ​ണ റി​പ്പോ​ർ​ട്ട് ത​യാ​റാ​യാ​ക്കി​യാ​ലും കു​റ്റ​വി​ചാ​ര​ണ ന​ട​പ​ടി​ക​ളു​മാ​യി മു​ന്നോ​ട്ടു​പോ​കാ​ൻ മെ​ഡി​ക്ക​ൽ ബോ​ർ​ഡി​ന്‍റെ അ​നു​മ​തി വേ​ണം.
ഇ​തി​നാ​യി ജി​ല്ല ആ​രോ​ഗ്യ​വ​കു​പ്പി​ന്‍റെ നേ​തൃ​ത്വ​ത്തി​ൽ മെ​ഡി​ക്ക​ൽ ബോ​ർ​ഡ് ചേ​രു​മ്പോ​ൾ പൊ​ലീ​സ് അ​ന്വേ​ഷ​ണ റി​പ്പോ​ർ​ട്ട് ത​ള്ളി ഡോ​ക്ട​ർ​മാ​ർ​ക്ക് ശു​ദ്ധി​പ​ത്രം ന​ൽ​കു​ക​യാ​ണ് പ​തി​വ്.
മെ​ഡി​ക്ക​ൽ ബോ​ർ​ഡി​ൽ പൊ​ലീ​സ് ഉ​ദ്യോ​ഗ​സ്ഥ​നും സ​ർ​ക്കാ​ർ പ്രോ​സി​ക്യൂ​ട്ട​റും മാ​ത്ര​മേ ആ​രോ​ഗ്യ​വ​കു​പ്പി​ന് പു​റ​ത്തു​നി​ന്നു​ള്ള അം​ഗ​ങ്ങ​ൾ ഉ​ണ്ടാ​കൂ എ​ന്ന​തി​നാ​ൽ ആ​രോ​ഗ്യ​വ​കു​പ്പ് മേ​ധാ​വി​ക​ളു​ടെ തീ​രു​മാ​നം അം​ഗീ​ക​രി​ക്ക​പ്പെ​ടു​ക​യാ​ണ് പ​തി​വ്. ബോ​ർ​ഡ് അം​ഗ​ങ്ങ​ളു​ടെ വി​ന്യാ​സ​ത്തി​ൽ മാ​റ്റം​വ​രു​ത്തി​യാ​ലേ ചി​കി​ത്സ പി​ഴ​വ് കേ​സു​ക​ളി​ൽ രോ​ഗി​ക​ൾ​ക്ക് നീ​തി ല​ഭി​ക്കു​ക​യു​ള്ളൂ എ​ന്നും വി​ദ​ഗ്ധ​ർ ചൂ​ണ്ടി​ക്കാ​ട്ടു​ന്നു.