പതിമൂന്നുകാരനെ പീഡിപ്പിച്ച മദ്രസ അധ്യാപകന്‍ അറസ്റ്റില്‍

പതിമൂന്നുകാരനെ പ്രകൃതിവിരുദ്ധ പീഡനത്തിന് ഇരയാക്കിയ മദ്രസ അധ്യാപകന്‍ പിടിയില്‍. തൃശ്ശൂര്‍ മതിലകത്ത് ആണ് സംഭവം. കയ്പമംഗലം ചളിങ്ങാട് സ്വദേശി ജുബൈര്‍ (36) നെയാണ് പോക്സോ വകുപ്പ് ചുമത്തി പൊലീസ് അറസ്റ്റ് ചെയ്തത്.മദ്രസയില്‍ പഠിക്കുന്നതിനിടെ വിദ്യാ‍ര്‍ത്ഥിയെ അധ്യാപകനായ ജുബൈ‌ര്‍ പീഡിപ്പിച്ചെന്നാണ് പരാതി. ഒരു വര്‍ഷം മുൻപാണ് സംഭവം നടന്നതെങ്കിലും പേടി കാരണം കുട്ടി വിവരം പുറത്തുപറഞ്ഞിരുന്നില്ല. എന്നാല്‍ ഇതിനുശേഷം വിദ്യാര്‍ത്ഥിയുടെ സ്വഭാവത്തില്‍ വലിയ മാറ്റം ഉണ്ടായിരുന്നു.

കുട്ടിയുടെ സ്വഭാവത്തിൽ വന്ന മാറ്റവും സ്കൂളിൽ മറ്റു കുട്ടികളുമായി കൂട്ടുകൂടാതെ ഒറ്റക്കിരിക്കുന്നതും ശ്രദ്ധയിൽ പെട്ടപ്പോൾ ആണ് അധ്യാപകനാണ് ചൈല്‍ഡ്‍ലൈനെ വിവരം അറിയിച്ചത്. തുടർന്ന് ചൈല്‍ഡ്‍ലൈന്‍ പ്രവർത്തകർ നടത്തിയ കൗണ്‍സിലിംഗിലാണ് കുട്ടി പീഡന വിവരം പുറത്ത് പറഞ്ഞത്. മതിലകം പോലീസ് അറസ്റ്റ് ചെയ്ത ജുബൈറിനെ റിമാന്‍ഡ് ചെയ്തു.