മമത സര്‍ക്കാര്‍ സൗകര്യം ഉറപ്പാക്കുന്നില്ലെന്ന് കേന്ദ്രം സുപ്രീംകോടതിയില്‍

കൊല്‍ക്കത്ത സംഭവവുമായി ബന്ധപ്പെട്ട് മമത സർക്കാരിനെതിരെ കോടതിയലക്ഷ്യ ഹർജിയുമായി കേന്ദ്രസർക്കാർ സുപ്രീംകോടതിയില്‍.

പി.ജി ട്രെയിനി ഡോക്‌ടർ മാനഭംഗത്തിനിരയായി കൊല്ലപ്പെട്ട കൊല്‍ക്കത്തയിലെ ആർ.ജി. കർ മെഡിക്കല്‍ കോളേജ് ആശുപത്രിക്ക് സുരക്ഷ നല്‍കാനെത്തിയ സി.ഐ.എസ്.എഫ് സംഘത്തിന് അടിസ്ഥാനസൗകര്യങ്ങള്‍ ഉറപ്പാക്കുന്നില്ലെന്നാണ് പരാതി. 54 വനിതകള്‍ അടക്കം 92 ഉദ്യോഗസ്ഥരാണ് സി.ഐ.എസ്.എഫ് സംഘത്തിലുള്ളത്. ഇവർക്ക് താമസ – വാഹന സൗകര്യം, സുരക്ഷാ സാമഗ്രികള്‍ സൂക്ഷിക്കാൻ പ്രത്യേക മുറി എന്നിവ ഏർപ്പെടുത്തുന്നില്ല. അതിനാല്‍ ഉദ്യോഗസ്ഥർ ബുദ്ധിമുട്ടുന്നു. ആവശ്യങ്ങളോട് ബംഗാള്‍ സർക്കാർ നിസഹകരിക്കുകയാണെന്ന് ഹർജിയില്‍ കേന്ദ്രം ചൂണ്ടിക്കാട്ടി.