ഏഷ്യൻ ഗെയിംസില്‍ മെഡല്‍വേട്ട; ഷൂട്ടിങിലും തുഴച്ചിലിലും വെള്ളി

ഏഷ്യന്‍ ഗെയിംസില്‍ ഇന്ത്യ മെഡല്‍ വേട്ട തുടങ്ങി. ഷൂട്ടിങിലും തുഴച്ചിലിലും ആണ് ഇന്ത്യക്ക് വെള്ളിമെഡല്‍ ലഭിച്ചത്.ഷൂട്ടിങില്‍ വനിതാ വിഭാഗം 10 മീറ്റര്‍ എയര്‍ റൈഫിള്‍സിലാണ് മെഡല്‍ നേട്ടം.

മെഹുലി ഷോഷ്, ആഷ്‌ലി ചൗകി, റമിത സഖ്യമാണ് വെള്ളി കരസ്ഥമാക്കിയത്. ഈ ഇനത്തില്‍ ചൈനക്കാണ് സ്വര്‍ണം ലഭിച്ചത്. തുഴച്ചിലില്‍ അര്‍ജുന്‍ലാല്‍-അരവിന്ദ് സഖ്യമാണ് രണ്ടാം സ്ഥാനം നേടിയത്. ലൈറ്റ് വെയിറ്റ് ഡബിള്‍ സ്‌കള്‍സിലാണ് സഖ്യം രാജ്യത്തിനായി മെഡല്‍ സ്വന്തമാക്കിയത്.