പനിച്ചു വിറച്ച് കേരളം; മരുന്ന് ക്ഷാമം രൂക്ഷം

മഴക്കാലം തുടങ്ങുന്നതിന് മുൻപേ തന്നെ കേരളം പനിച്ചു വിറച്ചു തുടങ്ങി.സ​ര്‍​ക്കാ​ര്‍ ആ​ശു​പ​ത്രി​ക​ളി​ൽ പ്രതിദിനം റിപ്പോർട്ട് ചെയ്യുന്ന പ​നി ബാ​ധി​ത​രു​ടെ എ​ണ്ണം കുതിച്ചുയരുകയാണ്. പക്ഷേ പനിബാധിച്ച് ആശുപത്രിയിൽ എത്തുന്നവർക്ക് നൽകാൻ ആ​വ​ശ്യ​ത്തി​ന്​ മ​രു​ന്നില്ലെ​ന്ന ആക്ഷേപം ശക്തമാണ്. ആ​ന്റി​ബ​യോ​ട്ടി​ക്കു​ക​ൾക്കും ക്ഷാമം നേരിടുകയാണ്. പ്ര​മേ​ഹം, ര​ക്ത​സ​മ്മ​ര്‍​ദം തു​ട​ങ്ങി​യ​വ​ക്കു​ള്ള മ​രു​ന്നു​ക​ളുടെ ലഭ്യതക്കുറവും റിപ്പോർട്ട് ചെയ്തിട്ടുണ്ട്.

ക​ഴി​ഞ്ഞ ഒ​രു മാ​സ​മാ​യി കേ​ര​ള മെ​ഡി​ക്ക​ല്‍ സ​ര്‍​വി​സ​സ് കോ​ര്‍​പ്പ​റേ​ഷ​ന്‍ വ​ഴി​യു​ള്ള മ​രു​ന്ന് വി​ത​ര​ണം നി​ല​ച്ചതാണ് ഇപ്പോൾ നേരിടുന്ന പ്രതിസന്ധിക്ക് കാരണം. കു​ട്ടി​ക​ള്‍​ക്കു​ണ്ടാ​കു​ന്ന അ​ല​ര്‍​ജി​ക്ക് ന​ല്‍​കു​ന്ന മോ​ണ്ട​കോ​പ് സി​റ​പ്പ്, സി​ട്രി​സി​ന്‍ സി​റ​പ്പ്​, പാ​ര​സെ​റ്റ​മോ​ള്‍ സി​റ​പ്പ്, മൂ​ക്കി​ലൊ​ഴി​ക്കു​ന്ന സ​ലൈ​ന്‍​നാ​സ​ല്‍, അ​സ്ത​ലി​ന്‍ തു​ട​ങ്ങി​യ മരുന്നുകള്‍ പ​ല ആ​ശു​പ​ത്രി​ക​ളി​ലും കിട്ടാനില്ല.

ക്ഷാ​മം രൂ​ക്ഷ​മാ​യ​തോ​ടെ ചി​ല താ​ലൂ​ക്ക് ആ​ശു​പ​ത്രി​ക​ള്‍ ത​ദ്ദേ​ശ സ്ഥാ​പ​ന​ങ്ങ​ള്‍ പ്രോ​ജ​ക്‌ട് ഫ​ണ്ടാ​യി അ​നു​വ​ദി​ച്ച പ​ണം ഉ​പ​യോ​ഗി​ച്ച്‌ പ്രാ​ദേ​ശി​ക വി​പ​ണി​യി​ല്‍​നി​ന്ന് മ​രു​ന്നു​ക​ള്‍ വാ​ങ്ങി ക്ഷാ​മം പ​രി​ഹ​രി​ക്കാ​ന്‍ ശ്ര​മം ന​ട​ത്തു​ന്നു​ണ്ട്.