‘എല്ലാവര്‍ക്കും മെസ്സിയെ വേണം’; ഇതിഹാസവുമായി ഫുട്ബോള്‍ പങ്കിടാൻ ആഗഹിച്ചിരുന്നുവെന്ന് റയലിന്‍റെ സൂപ്പര്‍ കോച്ച്‌

തന്‍റെ കരിയറില്‍ ലയണല്‍ മെസ്സിയെ ട്രെയിൻ ചെയ്യാൻ ആഗ്രഹിച്ചിരുന്നതായി റയല്‍ മാഡ്രിഡിന്‍റെ സൂപ്പർ കോച്ച്‌ കാർലോ അൻസിലോട്ടി.

ഫുട്ബോളിലെ തന്നെ ഏറ്റവും മികച്ച മാനെജർമാരില്‍ ഒരാളാണ് അൻസിലോട്ടി. യൂറോപ്പിലെ അഞ്ച് ടോപ് ലീഗുകളിലും കിരീടമുള്ള ഏക മാനേജർ അദ്ദേഹമാണ്. രണ്ട് വ്യത്യസ്ത ക്ലബ്ബുകളില്‍ ഒന്നില്‍ കൂടുതല്‍ ചാമ്ബ്യൻസ് ലീഗ് കിരീടം നേടികൊടുക്കുന്ന ആദ്യത്തെ മാനേജറും കൂടെയാണ് അൻസിലോട്ടി.

ലോകത്തെമ്ബാടുമുള്ള മികച്ച താരങ്ങളെ തന്‍റെ കീഴില്‍ പരിശീലിപ്പിച്ച കോച്ചാണ് അൻസിലോട്ടി. ബ്രസീല്‍ അതിഹാസം കക്ക, ഇറ്റാലിയൻ സൂപ്പർ ഡിഫൻഡർ പോളൊ മാല്‍ഡിനി, ക്രിസറ്റ്യോനോ റൊണാള്‍ഡോ എന്നിവരെല്ലാം അദ്ദേഹത്തിന്‍റെ കീഴില്‍ കളിച്ചിട്ടുണ്ട്. ആ പട്ടികയില്‍ മെസ്സിയെ കൂടെ ചേർക്കാൻ പറ്റിയില്ല എന്ന് പറയുകയാണ് അദ്ദേഹം.

‘ എന്‍റെ കരി‍യറില്‍ വിട്ടുപോയ ചുരുക്കം താരങ്ങളിലൊരാളാണ് ലയണല്‍ മെസ്സി. വിശ്വസിക്കാനാകാത്ത വിധം ഒരുപാട് മികച്ച താരങ്ങളെ എന്‍റെ കീഴില്‍ കളിച്ചിട്ടുണ്ട്. എനിക്ക് എല്ലാവരെയും ഓർമയുണ്ട്, എല്ലാ താരങ്ങളെയും, ക്ലബ്ബും, ഒരുമിച്ച ചിലവഴിച്ച നല്ല സമയങ്ങളുമെല്ലാം,’ അൻസിലോട്ടി പറഞ്ഞു.

കഴിഞ്ഞ സീസണിലും അൻസിലോട്ടിയുടെ കീഴിലുള്ള റയല്‍ മാഡ്രിഡായിരുന്നു ലാ ലീഗയും ചാമ്ബ്യൻസ് ട്രോഫിയും സ്വന്തമാക്കിയത്.