ക്ഷമാപണം അല്ലെങ്കില്‍ അഞ്ചു കോടി; സല്‍മാൻ ഖാന് വീണ്ടും വധഭീഷണി

സല്‍മാൻ ഖാന് വീണ്ടും വധഭീഷണി. ജയിലില്‍ക്കിടക്കുന്ന ലോറൻസ് ബിഷ്ണോയ്‌യുടെ സഹോദരനാണെന്ന വിശേഷണത്തോടെയാണ് ഭീഷണി സന്ദേശം വന്നിരിക്കുന്നത്.

മുംബൈ പൊലീസിന്റെ ട്രാഫിക് കണ്‍ട്രോളിലേക്ക് തിങ്കളാഴ്ച രാത്രിയോടെയായിരുന്നു സന്ദേശം എത്തിയത്. സംഭവം അതീവ ഗൗരവത്തോടെയാണ് പോലീസ് കൈകാര്യം ചെയ്യുന്നതെന്നും വർലി പോലീസ് കേസ് രജിസ്റ്റർ ചെയ്ത് അന്വേഷണം തുടങ്ങിയതായും പൊലീസ് ദേശീയമാധ്യമങ്ങള്‍ റിപ്പോര്‍ട്ട് ചെയ്തു.

ഭീഷണി സന്ദേശത്തില്‍ പറയുന്നത് ഇങ്ങനെ; ”ഇത് ലോറൻസ് ബിഷ്ണോയ്‌യുടെ സഹോദരനാണ്. സല്‍മാൻ ഖാന് ജീവൻ നഷ്ടമാകേണ്ടെങ്കില്‍ ഞങ്ങളുടെ ക്ഷേത്രത്തിലെത്തി മാപ്പു പറയുകയോ അഞ്ചുകോടി നല്‍കുകയോ വേണം. ഇല്ലാത്ത പക്ഷം ഞങ്ങള്‍ അദ്ദേഹത്തെ കൊല്ലും. ഞങ്ങളുടെ ഗ്യാങ് ഇപ്പോഴും സജീവമാണ്” – സന്ദേശം അയച്ച നമ്ബർ പോലീസിന് ലഭിച്ചതായാണ് വിവരം.

അടുത്ത ദിവസങ്ങളിലായി സല്‍മാൻ ഖാന് നേരെയുണ്ടായ രണ്ടാമത്തെ വധഭീഷണിയാണിത്.