കലവൂരിലെ വയോധികയുടെ കൊലപാതകം: പ്രതികള്‍ പിടിയില്‍

ആലപ്പുഴ കലവൂരില്‍ വയോധികയെ കൊലപ്പെടുത്തിയ കേസിലെ പ്രതികള്‍ പിടിയില്‍. കർണാടകയിലെ മണിപ്പാലില്‍ നിന്നാണ് പ്രതികളായ ശർമിളയും മാത്യൂസും പിടിയിലായത്.

എറണാകുളം സൗത്ത് കരിത്തല റോഡ് ‘ശിവകൃപ’യില്‍ സുഭദ്രയുടെ (73) മൃതദേഹം കലവൂരില്‍ പ്രതികള്‍ താമസിച്ചിരുന്ന വാടക വീടില്‍ കുഴിച്ചിട്ട നിലയില്‍ കണ്ടെത്തിയിരുന്നു. സംഭവത്തെ തുടർന്ന് പ്രതികള്‍ ഒളിവിലായിരുന്നു.

കാട്ടൂർ പള്ളിപ്പറമ്ബില്‍ മാത്യൂസും (നിധിൻ) ഭാര്യ കർണാടക ഉഡുപ്പി സ്വദേശി ശർമിളയും ചേർന്നാണ് കൊലപാതകം നടത്തിയതെന്നാണ് പൊലീസ് നിഗമനം. ഇവർ ഉഡുപ്പിക്കടുത്തുണ്ടെന്ന് വിവരം ലഭിച്ചതിനെ തുടർന്ന് പ്രത്യേകസംഘം രൂപീകരിച്ച്‌ തെരച്ചില്‍ നടത്തുകയായിരുന്നു. സുഭദ്രയുടെ ആഭരണങ്ങള്‍ ആലപ്പുഴയിലും ഉഡുപ്പിയിലും ശർമിള പണയം വച്ചതായും കണ്ടെത്തി.