സ്കൂളില്‍ എത്തിയ വിദ്യാര്‍ത്ഥിനി കരച്ചില്‍; അന്വേഷിച്ചപ്പോള്‍ കണ്ടക്ടര്‍ ചുംബിച്ചെന്ന് വെളിപ്പെടുത്തല്‍

തൃശൂര്‍: ഓടുന്ന ബസില്‍ വിദ്യാര്‍ത്ഥിനിയെ ചുംബിച്ച കണ്ടക്ടറെ പിടികൂടി പൊലീസില്‍ ഏല്‍പ്പിച്ച്‌ സഹോദരനും സുഹൃത്തുക്കളും.

തൃശൂര്‍ – കൊടുങ്ങല്ലൂർ റൂട്ടിലെ ഓടുന്ന ബസിലെ സാജൻ (37) എന്നയാളാണ് പെണ്‍കുട്ടിയോട് മോശമായി പെരുമാറിയത്.

വെള്ളിയാഴ്ച്ച രാവിലെ ഏഴ് മണിയോടെ ഇരിങ്ങാലക്കുട ബസ് സ്റ്റാൻഡില്‍ വച്ചാണ് സംഭവം. വിദ്യാർത്ഥിനിയെ ഇയാള്‍ നിരന്തരം ശല്യം ചെയ്തിരുന്നതായും ഇന്ന് രാവിലെ ബസ് സ്റ്റാൻഡില്‍ നിന്നും സ്കൂളിലേയ്ക്ക് പോകുന്ന വഴി ഇയാള്‍ ബലമായി കുട്ടിയെ ചുംബിച്ചതായും പരാതിയില്‍ പറയുന്നു.

പിന്നീട് സ്കൂളില്‍ എത്തിയ കുട്ടി കരച്ചിലായതോടെ വീട്ടില്‍ വിളിച്ച്‌ പറയുകയായിരുന്നു. വൈകിട്ട് അഞ്ചര മണിയോടെ കൊടുങ്ങല്ലൂരില്‍ നിന്നും വരുകയായിരുന്ന ബസില്‍ പെണ്‍കുട്ടിയുടെ സഹോദരനും സുഹൃത്തുക്കളും കയറുകയും മറ്റ് യാത്രക്കാരെ ഇറക്കിയതിന് ശേഷം ബസ് പൊലിസ് സ്റ്റേഷനിലേയ്ക്ക് പോകാൻ ആവശ്യപ്പെടുകയും ചെയ്തു. മാസങ്ങള്‍ക്ക് മുൻപ് ഇതേ പേരിലുള്ള ബസിലെ യാത്രികനായ വയോധികനെ പുത്തൻത്തോട് വച്ച്‌ ബസില്‍ നിന്ന് മർദ്ദിച്ച്‌ ഇറക്കി കൊലപെടുത്തിയിരുന്നു.