ഗ്രാമീണ സ്‌കൂളുകളില്‍ അസംബ്ലി പ്രാര്‍ത്ഥനയ്‌ക്ക് ഇനി ഭഗവദ്ഗീതയില്‍ നിന്നുള്ള ശ്ലോകങ്ങളും

അഹമ്മദാബാദ് ; ഗ്രാമീണ സ്‌കൂളുകളില്‍ ഇനി പ്രാർത്ഥനയ്‌ക്കിടെ ഗീതാ പാഠങ്ങളും പഠിപ്പിക്കാൻ തീരുമാനം . അഹമ്മദാബാദ് റൂറല്‍ ഏരിയയിലെ ഡിഇഒ ഓഫീസിനു കീഴിലുള്ള സ്‌കൂളുകളിലാണ് ഇനി പ്രാർത്ഥനാവേളയില്‍ ഗീതാപാഠങ്ങള്‍ പഠിപ്പിക്കുക.

അഹമ്മദാബാദ് റൂറല്‍ ഏരിയയിലെ ജില്ലാ വിദ്യാഭ്യാസ ഓഫീസറാണ് ഇത്തരമൊരു നിർദേശം നല്‍കിയിരിക്കുന്നത് . ഭഗവദ്ഗീതയില്‍ നിന്നുള്ള 51 ശ്ലോകങ്ങളാണ് ഇതിനായി തെരഞ്ഞെടുത്തിരിക്കുന്നത് .

വിദ്യാർത്ഥികള്‍ക്ക് വിദ്യാഭ്യാസത്തിലും ജീവിത വികസനത്തിലും ഉപയോഗിക്കാൻ ഗീതാ പാഠങ്ങള്‍ സഹായകമാകുമെന്നാണ് വിലയിരുത്തല്‍ . വർഷാവസാനം വിദ്യാർത്ഥികള്‍ക്ക് ഇതുമായി ബന്ധപ്പെട്ട് പരീക്ഷയും നടത്തും . 11,000 മുതല്‍ 51,000 വരെ രൂപ സമ്മാനമായും നല്‍കും.