സി.പി.ഐക്ക് തലവേദനയായി കുട്ടനാട് : പ്രവര്‍ത്തകര്‍ കൂട്ടരാജിവെച്ച്‌ സി.പി.എമ്മില്‍ ചേര്‍ന്നു

പാലക്കാടിന് പിന്നാലെ കുട്ടിനാട്ടിലും സി.പി.ഐയില്‍ കൂട്ടരാജി. ബ്രാഞ്ച് സെക്രട്ടറിമാരും രാമങ്കരിയിലെ ലോക്കല്‍ കമ്മിറ്റി അംഗങ്ങളുമുള്‍പ്പടെ ഇരുപതോളം പേരാണ് സി.പി.ഐ വിട്ടത്.

ഇവരെല്ലാം സിപിഎമ്മില്‍ ചേർന്നുവെന്നാണ് റിപ്പോർട്ട്. സി.പി.ഐ വിട്ടവരെ സി.പി.എം ജില്ല സെക്രട്ടറി ആർ.നാസറിൻറെ നേതൃത്വത്തില്‍ സ്വീകരിച്ചു.

നേരത്തെ സി.പി.എമ്മിനെതിരെ വിമർശനമുന്നിയിച്ച്‌ സി.പി.ഐല്‍ ചേർന്ന ഏതാനും പേരും തിരികെ എത്തിയവരില്‍ ഉണ്ടെന്നാണ് അറിയുന്നത്. ഏരിയ നേതൃത്വത്തോടുള്ള എതിർപ്പാണ് സി.പി.ഐ വിടാൻ കാരണമെന്നാണ് രാജിവച്ചവർ പറയുന്നത്. എന്നാല്‍ സംഘടന തീരുമാനങ്ങള്‍ക്ക് വിരുദ്ധമായി പ്രവർത്തിച്ചവർക്കെതിരെ നടപടി എടുക്കാൻ ഒരുങ്ങവേയാണ് രാജി എന്നാണ് സി.പി.ഐ പ്രാദേശിക നേതൃത്വം അറിയച്ചത്.