നടി ഉര്‍വശി റൗട്ടേല രാഷ്‌ട്രീയത്തിലേക്ക് രംഗപ്രവേശം നടത്തുന്നു

സിനിമയില്‍നിന്ന് രാഷ്‌ട്രീയത്തിലെത്തുന്ന ആളുകള്‍ നിരവധിയാണ്. പ്രശസ്ത ബോളിവുഡ് നടി ഉര്‍വശി റൗട്ടേലയും അതേ വഴിയിലൂടെ സഞ്ചരിക്കാന്‍ ഒരുങ്ങുകയാണ്.

തന്റെ രാഷ്‌ട്രീയ പ്രവേശം ഉടൻ നടക്കുമെന്ന് വ്യക്തമാക്കിയിരിക്കുകയാണ് അവർ. തിരഞ്ഞെടുപ്പില്‍ മത്സരിക്കാനുള്ള ടിക്കറ്റ് ഇതിനോടകം ലഭിച്ചെന്നും ഉർവശി വെളിപ്പടുത്തി.

ഒരു ബോളിവുഡിന് മാധ്യമത്തിന് നല്‍കിയ അഭിമുഖത്തിലാണ് തന്റെ രാഷ്‌ട്രീയജീവിതം ആരംഭിക്കുന്നതിനേക്കുറിച്ച്‌ ഉർവശി റൗട്ടേല വെളിപ്പെടുത്തിയത്. താൻ ആരംഭിച്ച ഫൗണ്ടേഷനിലൂടെ രാജ്യത്ത് മാറ്റങ്ങള്‍ വരുത്താനുള്ള പ്രവർത്തനങ്ങള്‍ ഇതിനോടകം ആരംഭിച്ചെന്ന് ഉർവശി പറഞ്ഞു. ഒരവസരം കിട്ടിയാല്‍ രാജ്യത്തിന്റെ ഉന്നമനത്തിനായി പ്രവർത്തിക്കുമെന്നും ഉർവശി റൗട്ടേല കൂട്ടിച്ചേർത്തു.

ഏതുപാർട്ടിയേയാണ് തിരഞ്ഞെടുപ്പില്‍ പ്രതിനിധീകരിക്കുക എന്നുചോദിച്ചപ്പോള്‍ കൂടുതല്‍ വെളിപ്പെടുത്താൻ പറ്റില്ല, ഒരു ടിക്കറ്റ് കിട്ടിയിട്ടുണ്ടെന്ന് മാത്രമായിരുന്നു നടി നല്‍കിയ ഉത്തരം. സത്യസന്ധയായ രാഷ്‌ട്രീയക്കാരിയാവാനാണ് തന്റെ ആഗ്രഹമെന്നും ഉർവശി കൂട്ടിച്ചേർത്തു.