മലയാളത്തിന്റെ മഹാനടൻ മമ്മൂട്ടിക്ക് ഇന്ന് പിറന്നാള്‍. താരരാജാവിന്റെ പിറന്നാള്‍ ആഘോഷമാക്കാൻ ഒരുങ്ങുകയാണ് ആരാധകര്‍. മമ്മൂട്ടി ചിത്രങ്ങളായ ഭ്രമയുഗത്തിന്റെ ഫസ്റ്റ് ലുക്ക് രാവിലെ 11നും കണ്ണൂര്‍ സ്ക്വാഡിന്റെ ട്രെയിലര്‍ വൈകിട്ട് ആറിനും പുറത്തിറങ്ങും.
നവാഗതനായ റോബി വര്‍ഗീസ് രാജ് സംവിധാനം ചെയ്യുന്ന കണ്ണൂര്‍ സ്ക്വാഡില്‍ പൊലീസ് വേഷമാണ് മമ്മൂട്ടി അവതരിപ്പിക്കുന്നത്. കണ്ണൂര്‍ സ്ക്വാഡ് ഈ മാസം 28ന് റിലീസ് ചെയ്യാനാണ് ഒരുങ്ങുന്നത്. രാഹുല്‍ സദാശിവൻ സംവിധാനം ചെയ്യുന്ന ഭ്രമയുഗം ഹൊറര്‍ ത്രില്ലര്‍ ഗണത്തില്‍പ്പെട്ടസിനിമയാണ്.ഭ്രമയുഗത്തില്‍ മമ്മൂട്ടി പ്രതിനായക വേഷത്തിലാണ് എത്തുന്നത്. അര്‍ജുൻ അശോകൻ, സിദ്ധാര്‍ത്ഥ് ഭരതൻ എന്നിവര്‍ താരനിരയിലുള്ള ഭ്രമയുഗം കൊച്ചിയില്‍ ചിത്രീകരണം പുരോഗമിക്കുന്നു. അതേസമയം മമ്മൂട്ടി കമ്പനിയുടെ ബാനറില്‍ മമ്മൂട്ടി നിര്‍മ്മിച്ച്‌ ജിയോ ബേബി സംവിധാനം ചെയ്യുന്ന കാതല്‍ റിലീസിന് ഒരുങ്ങുന്നു. മമ്മൂട്ടിയുടെ നായിക ജ്യോതികയാണ്.
മമ്മൂട്ടി ഫാൻസ് ആൻഡ് വെല്‍ഫെയര്‍ അസോസിയേഷന്റെ നേതൃത്വത്തില്‍ രക്തദാനം ഉള്‍പ്പെടെയുള്ള പരിപാടികൾ ഇന്ന് സംഘടിപ്പിച്ചിട്ടുണ്ട്.
Trending Now
