‘താൻ തെറ്റ് ചെയ്താല്‍ തന്നെയും ശിക്ഷിക്കണം, ആരോപണങ്ങളില്‍ അന്വേഷണം വേണം’ : മണിയൻപിള്ള രാജു

ഹേമ കമ്മിറ്റി റിപ്പോ‍ർട്ട് പുറത്തുവന്നതിന് പിന്നാലെ സിനിമാ മേഖലയില്‍ നിന്ന് ഉയരുന്ന ആരോപണങ്ങളില്‍ പ്രതികരിച്ച്‌ നടനും സിനിമാ നിർമ്മാതാവുമായ മണിയൻപിള്ള രാജു. എഎംഎംഎയുടെ സ്ഥാപക അംഗമാണ് താൻ.

കഴിഞ്ഞ കമ്മിറ്റിയില്‍ വൈസ് പ്രസിഡന്റായിരുന്നു. എഎംഎംഎയില്‍ മെമ്ബ‍ർഷിപ്പിന് പണം വാങ്ങിയിട്ടില്ല. അംഗത്വത്തിന് പ്രൊസീജിയറുകളുണ്ടെന്നും മറ്റ് മാർഗങ്ങളിലൂടെ അംഗത്വമെടുക്കാനാകില്ലെന്നും മണിയൻപിള്ള രാജു പറഞ്ഞു.

നടി മിനു മുനീറിന്റെ ആരോപണങ്ങളില്‍ പ്രതികരിച്ച അദ്ദേഹം എല്‍സമ്മ എന്ന ആണ്‍കുട്ടിയില്‍ അഭിനയിച്ച നടിയാണെന്ന് തോന്നുന്നുവെന്നും ചെറിയ വേഷമെന്തോ ആണ് ചെയ്തതെന്നുമാണ് പറഞ്ഞത്.

ആര് പറഞ്ഞാലും അന്വേഷണം വരുമ്ബോള്‍ സുതാര്യത വേണമെന്ന് ദിലീപ് കേസില്‍ മൊഴി മാറ്റി പറഞ്ഞതില്‍ മണിയൻപിള്ള രാജു പ്രതികരിച്ചു. ആണ്‍പക്ഷത്തുനിന്നായാലും പെണ്‍പക്ഷത്തുനിന്നായാലും അന്വേഷണം വേണം. ഡബ്ല്യുസിസി വന്നതുകൊണ്ടാണ് ശക്തിയുണ്ടായതും കമ്മീഷനെ വച്ചതും. താൻ തെറ്റ് ചെയ്താല്‍ തന്നെയും ശിക്ഷിക്കണമെന്നും മണിയൻപിള്ള രാജു വ്യക്തമാക്കി