സ്വപ്നം സാധ്യമാക്കാൻ കൂടെ നിന്ന വിജയ്‌ക്ക് നന്ദി; കുറിപ്പുമായി ലോകേഷ് കനകരാജ്

റിലീസിന് മുൻപ്‌ തന്നെ വമ്പൻ ഹൈപ്പ് നേടിയെടുക്കാൻ സാധിച്ച ചിത്രമാണ് ‘ലിയോ’. ഇപ്പോഴിതാ വിജയ്‌ അടക്കമുള്ള സിനിമാ ക്രൂവിന് നന്ദി പറഞ്ഞു കൊണ്ട് എത്തിയിരിക്കുകയാണ് സംവിധായകൻ ലോകേഷ് കനകരാജ്. സിനിമയുടെ വിജയത്തിനായി പ്രവര്‍ത്തിച്ചവര്‍ക്ക് നന്ദിയെന്നും സ്വപ്നം സാധ്യമാക്കാൻ കൂടെ നിന്ന വിജയ്‌ക്ക് നന്ദി എന്നുമാണ് അദ്ദേഹം പറഞ്ഞത്.

സിനിമയിലെ സര്‍പ്രൈസുകള്‍ ആരും പുറത്തു പറയരുത്. ചിത്രം എല്‍സിയു ആണോ അല്ലയോ എന്നത് തിയറ്ററില്‍ നിന്നു തന്നെ അനുഭവിച്ചറിയൂ എന്നും ലോകേഷ് സോഷ്യല്‍ മീഡിയയില്‍ കുറിച്ചു. അതേസമയം ലിയോ സിനിമയുടെ ആദ്യ ഷോ അവസാനിക്കുമ്പോൾ മികച്ച പ്രതികരണമാണ് കേരളത്തിലെ എല്ലാ തിയേറ്ററുകളില്‍ നിന്നും പുറത്തു വരുന്നത്.