മധ്യപ്രദേശിലെ നര്‍മദ നദിയില്‍ ബസ് മറിഞ്ഞ് 12 പേര്‍ മരിച്ചു
National Desk
Posted On July 18, 2022
മധ്യപ്രദേശിലെ ധര്‍ ജില്ലയിലെ ഖല്‍ഘട്ട് സഞ്ജയ് സേതുവില്‍ മഹാരാഷ്ട്ര റോഡ് വേയ്‌സ് ബസ് മറിഞ്ഞ് 12 യാത്രക്കാര്‍ മരിച്ചു. ഇന്‍ഡോറില്‍ നിന്ന് പൂനെയിലേക്ക് പോയ ബസാണ് അപകടത്തില്‍പെട്ടത്. 15 യാത്രക്കാരെ രക്ഷപ്പെടുത്തി. തിങ്കളാഴ്ച്ച രാവിലെയാണ് അപകടം ഉണ്ടായത്. 12 മൃതദേഹങ്ങള്‍ കണ്ടെത്തിയട്ടുണ്ട്. മരണ സംഖ്യ ഇനിയും ഉയരാനാണ് സാധ്യതയെന്ന് പൊലീസ് വ്യക്തമാക്കി.
അറുപതോളം യാത്രക്കാര്‍ ബസില്‍ ഉണ്ടെന്നാണ് പ്രാഥമിക നിഗമനം. ബസ് റോഡില്‍ നിന്ന് തെന്നി മാറി ഖല്‍ഘട്ട് പാലത്തിന്റെ കൈവരി തകര്‍ത്ത് 100 അടി താഴ്ച്ചയിലുള്ള നര്‍മ്മദ നദിയിലേക്ക് മറിയുകയായിരുന്നു.
ബസ് പൂര്‍ണമായി നദിയില്‍ മുങ്ങിയ നിലയിലായിരുന്നു. ദുരന്തനിവാരണ സേനയുടെയും നാട്ടുകാരുടെയും സഹകരണത്തോടെ ബസ് പുറത്തെടുത്തു. പ്രദേശത്തേ് രക്ഷാപ്രവര്‍ത്തനം തുടരുകയാണ്.
Content Highlights – Bus falls into Narmada river in Madhya Pradesh, 12 People Died
Trending Now
