നാളെ രാജ്യവ്യാപക പ്രതിഷേധത്തിന് ആഹ്വാനം ചെയ്ത് കോണ്‍ഗ്രസ്
National Desk
Posted On June 15, 2022
നാളെ രാജ്യവ്യാപക പ്രതിഷേധത്തിന് കോണ്‍ഗ്രസിന്റെ ആഹ്വാനം. ഡല്‍ഹിയിലെ എഐസിസി ഓഫീസില്‍ പൊലീസ് അതിക്രമം കാണിച്ചെന്ന് ആരോപിച്ചാണ് പ്രതിഷേധം. നാഷണല്‍ ഹെറാള്‍ഡ് കേസില്‍ രാഹുല്‍ ഗാന്ധിയെ ഇ ഡി ചോദ്യം ചെയ്യുന്നതിനെതിരെയുള്ള പ്രതിഷേധത്തില്‍ ഡല്‍ഹി ഇന്നും സംഘര്‍ഷഭരിതമായി. കോണ്‍ഗ്രസ് പാര്‍ട്ടിയുടെ എല്ലാ എംപിമാരോടും ഉടന്‍ ഡല്‍ഹിയില്‍ എത്താന്‍ കോണ്‍ഗ്രസ് നേതൃത്വം നിര്‍ദേശം നല്‍കിയിട്ടുണ്ട്.
കേന്ദ്രസര്‍ക്കാര്‍ അന്വേഷണ ഏജന്‍സികളെ ദുരുപയോഗം ചെയ്യുന്നുവെന്ന് ആരോപിച്ചാണ് കോണ്‍ഗ്രസ് പ്രവര്‍ത്തകര്‍ പ്രതിഷേധിച്ചത്. പ്രതിഷേധക്കാരെ നീക്കുന്നതിന് വേണ്ടി ഡല്‍ഹി പൊലീസ് എ ഐ സി സി ആസ്ഥാനത്ത് പ്രവേശിച്ചത് വലിയ വിവാദങ്ങള്‍ക്കാണ് വഴിവെച്ചു. ബാരിക്കേഡുകള്‍ തകര്‍ത്ത് നീങ്ങിയ കോണ്‍ഗ്രസ് പ്രവര്‍ത്തകരെ പൊലീസ് വലിച്ചിഴച്ചാണ് അറസ്റ്റ് ചെയ്തത്.
Content Highlights – Congress Party, Announced for nation wide protest on Thursday
Trending Now
