അഗ്‌നിപഥ്; വ്യോമസേനയില്‍ രജിസ്ട്രേഷന്‍ ഇന്ന് മുതല്‍

കേന്ദ്ര സര്‍ക്കാരിന്റെ അഗ്‌നിപഥ് പദ്ധതിയില്‍ വ്യോമേസനയിലേക്കുള്ള രജിസ്‌ട്രേഷന്‍ ഇന്ന് ആരംഭിക്കും. ജൂലൈ അഞ്ച് വരെ അപേക്ഷകള്‍ നല്‍കാം. മൂവായിരം പേര്‍ക്കാണ് ഇാ വര്‍ഷം അഗ്‌നിവീറുകളായി നിയമനം നല്‍കുക. നാവിക സേനയിലേക്കുള്ള രജിസ്ട്രേഷന്‍ നടപടികള്‍ ശനിയാഴ്ച തുടങ്ങും. ജൂലൈ മുതല്‍ കരസേനയിലേക്കുള്ള രജിസ്ട്രേഷനും ആരംഭിക്കും.

കേന്ദ്ര സര്‍ക്കാര്‍ അഗ്‌നിപഥുമായി മുന്നോട്ട് തന്നെയാണെങ്കിലും പദ്ധതിക്കെതിരെ ബിഹാറില്‍ പലയിടങ്ങളിലായി പ്രതിഷേധങ്ങള്‍ തുടരുകയാണ്. യുപിയിലും ഹരിയാനയിലും ഇന്ന് പദ്ധതിക്കെതിരെ സംയുക്ത കിസാന്‍ മോര്‍ച്ച പ്രതിഷേധം നടത്തും.

അഗ്‌നിപഥിനെതിരെ കര്‍ഷകസമര മാതൃകയില്‍ പ്രക്ഷോഭം സംഘടിപ്പിക്കാന്‍ ഇടതു യുവജന സംഘടനകള്‍ ആലോചിക്കുന്നുണ്ട്. 12 ഇടത് വിദ്യര്‍ത്ഥി യുവജന സംഘടനകളാണ് പ്രതിഷേധം സംഘടിപ്പിക്കുന്നത്. കൂടാതെ ജൂണ്‍ 29ന് രാജ്യവ്യാപക പ്രതിഷേധവും നടത്തുമെന്നും റിപ്പോര്‍ട്ടുണ്ട്.

Content Highlights – Agneepath Project, Registration for the Air Force will begin today