ലോകത്തിലെ മികച്ച വിമാനക്കമ്ബനിക്കുള്ള അവാര്ഡ് ഖത്തര് എയര്വേയ്സിന്
![](https://sarklive.com/wp-content/uploads/2024/06/rc24-qatar.jpg)
ലോകത്തിലെ മികച്ച വിമാനക്കമ്ബനിയായി ഖത്തർ എയർവേസ്.സ്കൈട്രാക്സ് വേള്ഡ് എയർലൈൻ അവാർഡിലാണ് മികച്ച വിമാനക്കമ്ബനിയായി ഖത്തർ എയർവേസിനെ തെരഞ്ഞെടുത്തത്.
ലോകത്തെമ്ബാടുമുള്ള 350 വിമാനക്കമ്ബനികളില്നിന്നാണ് ഖത്തർ എയർവേസ് ഒന്നാമതെത്തിയത്. ഓണ്ലൈൻ വഴി നടന്ന വോട്ടെടുപ്പില് 100 ലേറെ രാജ്യങ്ങളില്നിന്നുള്ള യാത്രക്കാരാണ് പങ്കെടുത്തത്.
എട്ടാം തവണയാണ് ഖത്തർ വിമാനക്കമ്ബനി ഈ നേട്ടം സ്വന്തമാക്കുന്നത്. ഒന്നാം സ്ഥാനത്തുണ്ടായിരുന്ന സിംഗപ്പൂർ എയർലൈനിനെ രണ്ടാം സ്ഥാനത്തേക്കാണ് പിന്തള്ളിയാണ് നേട്ടം. എമിറേറ്റ്സാണ് മൂന്നാം സ്ഥാനത്ത്. ലണ്ടനില് നടന്ന ചടങ്ങിലാണ് ഖത്തർ എയർവേസിനെ ലോകത്തെ ഏറ്റവും മികച്ച എയർലൈനായി പ്രഖ്യാപിച്ചത്. ലോകത്തെ മികച്ച ബിസിനസ് ക്ലാസ്, ബിസിനസ് ക്ലാസ് ലോഞ്ച് പുരസ്കാരങ്ങളും ഖത്തർ എയർവേസിനാണ്.