സൗദിയില്‍ നിന്നെത്തിയ പ്രവാസി അബ്ദുള്‍ ജലീലിനെ ക്രൂരമായി മര്‍ദ്ദിച്ചു കൊലപ്പെടുത്തിയ സംഭവത്തില്‍ 5 പേര്‍ അറസ്റ്റില്‍. അലി മോന്‍, അല്‍ത്താഫ്, റഫീഖ്, അനസ് ബാബു, മണികണ്ഠന്‍ എന്നിവരാണ് അറസ്റ്റിലായത്. ഇന്ന് രാവിലെയാണ് ഇവരെ പോലീസ് കസ്റ്റഡിയില്‍ എടുത്തത്. അബ്ദുള്‍ ജലീല്‍ സ്വര്‍ണ്ണം കടത്തുകയായിരുന്നുവെന്ന് പോലീസ് പറഞ്ഞു.
അനസ് ബാബുവിന്റെ വാടക മുറിയില്‍ വെച്ച് ജലീല്‍ മൂന്നു ദിവസം ക്രൂര മര്‍ദ്ദനത്തിന് ഇരയായെന്ന് മലപ്പുറം എസ്പി അറിയിച്ചു. ഇയാളുടെ ദേഹമാസകലം കത്തി കൊണ്ട് വരഞ്ഞ പാടുകളും മര്‍ദ്ദനമേറ്റ അടയാളങ്ങളും ഉണ്ടായിരുന്നു. തലയ്‌ക്കേറ്റ ക്ഷതമാണ് മരണകാരണമെന്ന് പോസ്റ്റ്‌മോര്‍ട്ടം പ്രാഥമിക റിപ്പോര്‍ട്ടില്‍ പറയുന്നു.
കേസില്‍ മുഖ്യപ്രതിയായ മേലാറ്റൂര്‍ സ്വദേശി യഹിയയാണ് ജലീലിനെ ആശുപത്രിയില്‍ എത്തിച്ചത്. ഒളിവില്‍ പോയ ഇയാള്‍ സ്വര്‍ണ്ണക്കടത്ത് സംഘത്തില്‍ അംഗമാണെന്ന് പോലീസ് അറിയിച്ചു.
Content Highlight: 5 arrested in abdul jaleel murder case
Trending Now
