കോട്ടയം എം പി തോമസ് ചാഴികാടന്റെ വീട്ടിൽ മോഷണശ്രമം. പുലർച്ചെ നാലുമണിയോടെയായിരുന്നു മോഷ്ടാവ് വീടിന്റെ മുന്നിലെ ജനൽപ്പാളി തകർത്ത് അകത്ത് കടക്കാൻ ശ്രമം നടത്തിയത്. ശബ്ദം കേട്ട് ഭാര്യ ഉണർന്നതോടെ മോഷ്ടാവെന്ന് സംശയിക്കുന്നയാൾ മതിൽ ചാടി രക്ഷപ്പെടുകയായിരുന്നു. എംപിയുടെ കാറിനുള്ളിൽ കയറുകയും വിലപ്പെട്ട രേഖകൾ കൈക്കലാക്കാൻ ശ്രമിച്ചതായും സംശയമുണ്ട്. പോലീസും ഡോഗ് സ്ക്വാഡും ഫിംഗർ പ്രിന്റ് വിദഗ്ധരും സ്ഥലത്ത് പരിശോധന നടത്തി.
വിശദ പരിശോധനക്കായി സ്ഥലത്തെത്തിച്ച പൊലീസ് നായ എം പിയുടെ വീടിനു സമീപത്തെ ഇട റോഡിലും പിന്നീട് ഒറ്റ മറ്റൊരു റോഡിലും എത്തിയാണ് നിന്നത്. എം പിയുടെ വീടിനുമുന്നിൽ വച്ചിരുന്ന ജലസംഭരണിക്ക് മുകളിൽ ചവിട്ടി കയറി വീടിന് മുകളിലേക്ക് കയറാൻ ശ്രമം നടത്തിയതായി പൊലീസ് കണ്ടെത്തിയിട്ടുണ്ട്.
ക്നാനായ സംഗമവും ആയി ബന്ധപ്പെട് അമേരിക്കയിലാണ് തോമസ് ചാഴികാടൻ.
സയന്റിഫിക് വിദഗ്ധർ സ്ഥലത്തെത്തി ഉടൻ പരിശോധന നടത്തും.
Trending Now
