കോളേജ് വിദ്യാര്‍ത്ഥിനിയെ അപമാനിക്കാന്‍ ശ്രമിച്ച കേസ്; പശ്ചിമ ബംഗാള്‍ സ്വദേശി അറസ്റ്റില്‍
News Desk
Posted On May 12, 2022
കോളേജ് വിദ്യാര്‍ത്ഥിനിയെ അപമാനിക്കാന്‍ ശ്രമിച്ച കേസില്‍ പശ്ചിമ ബംഗാള്‍ മുര്‍ഷിദാബാദ് ഡെബിപൂർ സ്വദേശി ബിശ്വജിത്ത് സര്‍ക്കാര്‍ (25)നെ പോലീസ് കസ്റ്റഡിലെടുത്തു. ഞായറാഴ്ച വൈകുന്നേരമാണ് സംഭവം. വൈകുന്നേരം വാഴക്കുളം ജംഗ്ഷനിലേക്ക് പോകുന്ന വഴിയാണ് ബിശ്വജിത്ത് വിദ്യാർഥിനിയെ കയറിപ്പിടിച്ചത്. തുടര്‍ന്ന് പെണ്‍കുട്ടി ബഹളം വെച്ചതിനെ തുടര്‍ന്ന് ആളുകള്‍ ഓടിക്കൂടിയെങ്കിലും പ്രതി രക്ഷപ്പെട്ടിരുന്നു.
സംഭവം അറിഞ്ഞ ഉടന്‍ തന്നെ വാഴക്കുളം പോലിസ് കേസ് രജിസ്റ്റര്‍ ചെയ്ത് പ്രതിക്കായുള്ള അന്വേഷണം ആരംഭിച്ചിരുന്നു. പ്രതി നാട്ടിലേക്ക് പോകാന്‍ ചെന്നൈയിലേക്കുള്ള ട്രെയിന്‍ കയറിയതായി അന്വേഷണ സംഘത്തിന് വിവരം ലഭിച്ചതുടര്‍ന്ന് ചെന്നൈ ആര്‍.പി.എഫി നെ വിവരം അറിയിച്ച് ഇയാളെ തടഞ്ഞുവച്ചു. പിന്നീട് അന്വേഷണ സംഘം ചെന്നൈയിലെത്തി പ്രതിയെ പിടികൂടുകയായിരുന്നു.
ഇന്‍സ്‌പെക്ടര്‍ വി.എം. കെര്‍സന്‍. സബ്ബ് ഇന്‍സ്‌പെക്ടര്‍ കെ.എ.സത്യന്‍, എ.എസ്.ഐ ഇബ്രാഹിം കുട്ടി, എസ്.സി.പി.ഒ മാരായ സുനില്‍ കുമാര്‍, ഷമീര്‍. സി.പി.ഒ വിപിന്‍ എല്‍ദോസ് എന്നിവരാണ് അന്വേഷണ സംഘത്തിലുണ്ടായിരുന്നത്. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.
Content Highlight – Case of attempted molestation of a college student; West Bengal native arrested
Trending Now
