വിദ്യാര്‍ഥികളെ പീഡിപ്പിച്ച കേസ്; പ്രതി കെ വി ശശികുമാറിനെതിരെ നാല് കേസുകള്‍ കൂടി

മലപ്പുറം വിദ്യാര്‍ത്ഥികളെ പീഡിപ്പിച്ച കേസിലെ പ്രതി കെവി ശശികുമാറിനെതിരെ നാലു കേസുകള്‍ കൂടി രജിസ്റ്റര്‍ ചെയ്തു. പോക്‌സോ കേസില്‍ അറസ്റ്റിലായ ശശികുമാർ നിലവിൽ മഞ്ചേരി സബ് ജയിലിലാണ് . ഒരു പോക്‌സോ കേസ് ഉള്‍പ്പടെ നാല് കേസുകളാണ് ഇയാൾക്കെതിരെ നിലവിലുള്ളത്.

ഇന്നലെ ലഭിച്ച പരാതിയുടെ അടിസ്ഥാനത്തിലാണ് പൊലീസ് കേസ് രജിസ്റ്റര്‍ ചെയ്തത്.
നിയമോപദേശത്തിന്റെ അടിസ്ഥാനത്തിലാണ് കേസെടുത്തതെന്ന് പൊലീസ് വ്യക്തമാക്കി. അധ്യാപകനായിരിക്കെ മുപ്പത് വർഷത്തോളം വിദ്യാർഥികളെ ലൈംഗികമായി ദുരുപയോഗം ചെയ്തുവെന്നാണ് പൂർവ വിദ്യാർഥി കൂട്ടായ്മ നൽകിയ പരാതിയിൽ പറയുന്നത്.

പോക്‌സോ കേസ് രജിസ്റ്റര്‍ ചെയ്തതോടെ ശശികുമാറിനെ സിപിഎമ്മില്‍ നിന്ന് പുറത്താക്കിയിരുന്നു. മലപ്പുറം നഗരസഭാ കൗണ്‍സിലറായ ഇയാള്‍ പരാതിയുടെ പശ്ചാത്തലത്തിൽ രാജി വെച്ച് ഒളിവില്‍ പോയിരുന്നു. തുടര്‍ന്ന് ഇയാളെ വയനാട്ടില്‍ നിന്നാണ് പൊലീസ് അറസ്റ്റ് ചെയ്യുന്നത്.

Content Highlight – Case of harassment of students; Four more cases have been registered against accused KV Sasikumar