സംസ്ഥാനത്ത് രണ്ടാം ദിവസവും മൂവായിരം കടന്ന് കോവിഡ് രോഗികള്‍

തുടര്‍ച്ചയായ രണ്ടാം ദിവസവും മൂവായിരം കടന്ന് കോവിഡ് രോഗികള്‍. പ്രതിദിന കോവിഡ് കണക്കനുസരിച്ച് ഇന്ന് 3149 ആളുകള്‍ക്ക് വൈറസ് ബാധ സ്ഥിരീകരിച്ചു. ടെസ്റ്റ് പോസ്റ്റിവിറ്റി നിരക്ക് 16.32 ശതമാനമായി ഉയര്‍ന്നു.

സംസ്ഥാനത്ത് കഴിഞ്ഞ മണിക്കൂറുകളില്‍ ഏഴു പേര്‍ കോവിഡ് ബാധിതരായി മരിച്ചു. നിലവില്‍ 18,345 ആളുകള്‍ ചികിത്സയില്‍ കഴിയുന്നുണ്ട്. ഏറ്റവുമധികം കോവിഡ് സ്ഥിരീകരണം ഉള്ളത് എറണാകുളം ജില്ലയിലാണ്. ഇന്നത്തെ കണക്കനുസരിച്ച് ജില്ലയില്‍ 1072 പേര്‍ക്ക് രോഗബാധ സ്ഥിരീകിരിച്ചു.

കേരളത്തില്‍ കോവിഡ് വ്യാപനം വീണ്ടും രൂക്ഷമായ സാഹചര്യത്തില്‍ എല്ലാവരും കൃത്യമായി മാസ്‌ക് ധരിക്കണമെന്ന് ആരോഗ്യമന്ത്രി വീണ ജോര്‍ജ് അറിയിച്ചു.

Content Highlights – Covid-19, Pandemic Time, Covid patients crossed 3,000 for second day in state