ഓപ്പറേഷന്‍ ഡാര്‍ക്ക് ഹണ്ട്; നിരന്തര കുറ്റവാളിയെ കാപ്പ ചുമത്തി ജയിലിലടച്ചു

നിരന്തരമായി കുറ്റകൃത്യങ്ങളിലേര്‍പ്പെട്ട കുറ്റവാളിയെ കാപ്പ ചുമത്തി ജയിലിലടച്ചു. ആമ്പല്ലൂര്‍ മാടപ്പിള്ളി വീട്ടില്‍ ആദര്‍ശ് ചന്ദ്രശേഖരന്‍ (25) നെയാണ് ജയിലില്‍ലടച്ചത്. ജില്ലാ പോലീസ് മേധാവി കെ കാര്‍ത്തിക്കിന്റെ റിപ്പോര്‍ട്ടിന്റെ അടിസ്ഥാനത്തിലാ വീയ്യൂര്‍ സെന്‍ട്രല്‍ ജയിലിലാണ് അടച്ചത്.

ചോറ്റാനിക്കര, മുളന്തുരുത്തി, തൃപ്പൂണിത്തുറ, ഹില്‍പ്പാലസ് പോലീസ് സ്റ്റേഷനുകളില്‍ കൊലപാതക ശ്രമം, കവര്‍ച്ച, മയക്കുമരുന്ന് കേസുകളിലെ പ്രതിയാണ് ആദര്‍ശ്. ഓപ്പറേഷന്‍ ഡാര്‍ക്ക് ഹണ്ടിന്റെ ഭാഗമായി റൂറല്‍ ജില്ലയിലെ നിരവധി കുറ്റവാളികളെ പൊലീസ് പിടികൂടിയിട്ടുണ്ട്. ഇതുവരെ റൂറല്‍ ജില്ലയില്‍ 50 പേരെ കാപ്പ ചുമത്തി അറസ്റ്റ് ചെയ്ത് ജയിലിലടച്ചിട്ടുണ്ട്. കൂടാതെ 35 പേരെ നാടുകടത്തിയിട്ടുണ്ട്.

Content Highlights – Operation Dark Hunt, Kerala Police, Accused In Jail