കണ്ണൂരില്‍ സ്‌കൂട്ടറില്‍ ലോറിയിടിച്ച് മുത്തച്ഛനും പേരക്കുട്ടിയും മരിച്ചു

കണ്ണൂർ ജില്ലയിലെ പള്ളിക്കുടത്ത് വാഹനാപകടത്തിൽ മുത്തച്ഛനും പേരക്കുട്ടിയും മരിച്ചു. സ്കൂട്ടറിൽ സഞ്ചരിക്കുകയായിരുന്ന ഇടച്ചേരി മഹേഷ് ബാബുവും അദ്ദേഹത്തിന്റെ മകളുടെ മകനായ ആഗ്നേയുമാണ് മരിച്ചത്. കണ്ണൂരിൽ നിന്ന് പുതിയ കാവ് ഭാഗത്തേക്ക് പോവുകയായിരുന്ന സ്കൂട്ടറിന് പിന്നിൽ ഗ്യാസ് സിലിണ്ടറുമായി വന്ന ലോറിയിടിച്ചാണ് അപകടമുണ്ടായത്. രാവിലെ പത്തേമുക്കാലോടു കൂടിയാണ് അപകടം ഉണ്ടായത്.

സ്കൂട്ടറിന് പിന്നിൽ ലോറിയിടിച്ച ആഘാതത്തിൽ റോഡിലേക്ക് തെറിച്ചു വീണ ഇരുവരുടെയും ശരീരത്തിലൂടെ ലോറി കയറി ഇറങ്ങുകയായിരുന്നു. രണ്ട് പേരും അപകടം നടന്ന സ്ഥലത്തുവെച്ചു തന്നെ മരിച്ചു. ലോറി ഡ്രൈവറെ പൊലീസ് കസ്റ്റഡിയിലെടുത്തു. രാവിലെ നല്ല തിരക്കുള്ള സമയത്താണ് അപകടമുണ്ടായത്.

Content Highlight – Grandfather and grandson killed in lorry-scooter collision in Kannur