മലപ്പുറം കോക്കൂരിൽ യുവാവിൻ്റെ ഐഫോൺ പൊട്ടിത്തെറിച്ചു. ചങ്ങരംകുളം സ്വദേശി ബിലാലിന്റെ ഐ ഫോണ്‍ 6 പ്ലസാണ് പൊട്ടിത്തെറിച്ചത്. പൊട്ടിത്തെറിക്കുന്നതിന് മുന്നേ ഫോൺ അസ്വാഭാവികമായി ചൂടാകാൻ തുടങ്ങിയതിനാൽ പോക്കറ്റിൽ നിന്നെടുത്ത് വലിച്ചെറിഞ്ഞതിനാൽ വലിയ അപകടം ഒഴിവാകുകയായിരുന്നു.
മൊബൈല്‍ ദീര്‍ഘനേരമായി ഹാങ് ആയി നില്‍ക്കുന്നതിനാല്‍ സർവ്വീസ് സെൻ്ററിലേയ്ക്ക് കൊണ്ടു പോകുന്നതിനായി മൊബൈൽ പോക്കറ്റിലിടതായിരുന്നു ബിലാൽ. എന്നാൽ പെട്ടെന്ന് ഫോണ്‍ വല്ലാതെ ചൂടാകാന്‍ തുടങ്ങിയതോടെ പോക്കറ്റില്‍ നിന്നും ബിലാല്‍ ഫോണ്‍ പുറത്തേക്കെടുത്തു. പെട്ടെന്ന് ഫോണിൻ്റെ ചൂട് വല്ലാതെ കൂടുകയും അതിൽ നിന്ന് പുക ഉയരാന്‍ തുടങ്ങുകയും ചെയ്തു.
പുക ഉയര്‍ന്നത് കണ്ട് പരിഭ്രാന്തനായി ബിലാൽ ഫോണ്‍ ദൂരേയ്ക്ക് വലിച്ചെറിയുകയായിരുന്നു. അപ്പോള്‍ തന്നെ ഫോണ്‍ പൊട്ടിത്തെറിച്ചു. വലിയ അപകടത്തില്‍ നിന്നും തലനാരിഴയ്ക്കാണ് ബിലാല്‍ രക്ഷപ്പെട്ടത്. ബാറ്ററി തകരാറിലായതാകാം അപകടത്തിന് കാരണമെന്ന് യുവാവ് കരുതുന്നു.
Trending Now
