കേരള ഒളിമ്പിക് ഗെയിംസ്; തിരുവനന്തപുരം ഒന്നാം സ്ഥാനത്ത്

ആദ്യ കേരള ഒളിമ്പിക് ഗെയിംസ് ഏഴ് ദിവസം പിന്നിടുന്നു.
പതിനാറ് സ്വർണം ഉൾപ്പെടെ 25മെഡലുമായി തിരുവനന്തപുരം ജില്ലയാണ് ഒന്നാമത്. അഞ്ച് സ്വർണവുമായി മലപ്പുറം രണ്ടാം സ്ഥാനത്താണ്. മൂന്ന് സ്വർണവുമായി മൂന്നാം സ്ഥാനത്ത് എറണാകുളം ജില്ലയാണ്. നിലവിൽ ഏറ്റവും പിന്നിലുള്ളത് കോട്ടയം ജില്ലയാണ്. മത്സരിച്ച എല്ലാ ഇവന്റിലും മെഡൽ നേടിയാണ് തിരുവനന്തപുരം ആധിപത്യം ഉറപ്പിക്കുന്നത്. ബോക്സിങും ഖോഖോയും തിരുവനന്തപുരത്തിന് സ്വർണത്തിളക്കം സമ്മാനിച്ചു. വനിതാ-പുരുഷ ബോക്ശിങിലും തിരുവനന്തപുരം ഓവറോൾ ജേതാക്കളാണ്. പുരുഷ വിഭാഗം ഖോ ഖോയിൽ മലപ്പുറത്തോട് ഏറ്റുമുട്ടിയെങ്കലും വെള്ളികൊണ്ട് തൃപ്തിപ്പെടേണ്ടി വന്നു. തായ്കൊണ്ടോയിൽ തിരുവനന്തപുരം സ്വർണത്തിളക്കത്തിലെത്തിയെങ്കിലും ബാഡ്മിന്റണിൽ ജേതാക്കളായത് കോഴിക്കോടാണ്. എറണാകുളത്തിന് രണ്ടാം സ്ഥാനം കൊണ്ട് തൃപ്തിപ്പെടേണ്ടി വന്നു.

Content highlight- Kerala Olympic Game; Trivandrum in first place