കേരള പദയാത്ര, പ്രധാനമന്ത്രി നാളെ തിരുവനന്തപുരത്ത്; സമാപന സമ്മേളനം ഉദ്ഘാടനം ചെയ്യും

പ്രധാനമന്ത്രി നരേന്ദ്രമോദി നാളെ തിരുവനന്തപുരത്തെത്തും. രാവിലെ 10 മണിക്കാണ് തിരുവനന്തപുരം അന്താരാഷ്ട്ര വിമാനത്താവളത്തില്‍ എത്തിച്ചേരുക. ബിജെപി സംസ്ഥാന അധ്യക്ഷൻ കെ. സുരേന്ദ്രൻ നയിക്കുന്ന കേരള പദയാത്രയുടെ സമാപന സമ്മേളനം ഉദ്ഘാടനം ചെയ്യുന്നതിനായാണ് പ്രധാനമന്ത്രി കേരളത്തിലേക്ക് എത്തുന്നത്.

ഇതിന് പുറമേ, വിവിധ പദ്ധതികളുടെ ഉദ്ഘാടനവും നിർവഹിക്കും. പ്രധാനമന്ത്രി എത്തുന്നതിനോടനുബന്ധിച്ചുളള സുരക്ഷാ ക്രമീകരണങ്ങള്‍ പൂർത്തിയായിട്ടുണ്ട്.

രാവിലെ 11: 30-നാണ് പ്രധാനമന്ത്രി സെൻട്രല്‍ സ്റ്റേഡിയത്തിലെ സമ്മേളന വേദിയില്‍ എത്തുക. ഏകദേശം അര ലക്ഷത്തിലധികം പേർ സമ്മേളനത്തില്‍ എത്തുമെന്ന് ബിജെപി നേതാക്കള്‍ വ്യക്തമാക്കി. കഴിഞ്ഞ രണ്ട് മാസത്തിനിടെ മൂന്നാമത്തെ തവണയാണ് പ്രധാനമന്ത്രി കേരളത്തില്‍ എത്തുന്നത്.