യൂത്ത് കോൺഗ്രസ് നേതാവിനെതിരായ പൊലീസ് മർദനം; മുഖ്യമന്ത്രിക്ക് കത്തയച്ച് വി.എം സുധീരൻ

യൂത്ത് കോൺഗ്രസ് നേതാവ് സുജിത്തിന് നേരെയുള്ള പൊലീസ് മർദനത്തിൽ മുഖ്യമന്ത്രിക്ക് കത്തയച്ച് മുതിർന്ന കോൺഗ്രസ് നേതാവ് വി.എം സുധീരൻ. പൊലീസ് സേനയിലെ ക്രിമിനലുകൾക്കെതിരെ പേരിന് നടപടികൾ സ്വീകരിച്ച് വെള്ളപൂശാൻ ശ്രമിച്ചു. പ്രതികൾക്കെതിരെ മാതൃകാപരമായ നടപടി സ്വീകരിക്കണമെന്ന് വി എം സുധീരൻ കത്തിൽ ആവശ്യപ്പെട്ടു.

പൊലീസ് കാട്ടാളത്തം നാടിനെ ഞെട്ടിക്കുന്നതാണ്. പൊലീസിലെ ഉയർന്ന ഉദ്യോഗസ്ഥരുടെ കള്ളക്കളികൾ വ്യക്തമായി പുറത്ത് വന്നു. ആഭ്യന്തരവകുപ്പിനും നടപടി തീരാ കളങ്കം വരുത്തി. ഇവർക്കെതിരെ മാതൃകാപരമായ നടപടി സ്വീകരിക്കണമെന്ന് വി.എം. സുധീരൻ ആവശ്യപ്പെട്ടു. പൊലീസിലെ ക്രിമിനലുകൾ ഒരുകാരണവശാലും സർവീസിൽ തുടരാൻ പാടില്ല. ഒപ്പം നിയമം അനുശാസിക്കുന്ന പരമാവധി ശിക്ഷയും ഉറപ്പുവരുത്തണം.ഇവരെ സംരക്ഷിക്കാൻ ശ്രമിച്ച പൊലീസ് ഉദ്യോഗസ്ഥരെയും നടപടി ഉണ്ടാവണം. കേൾവി നഷ്ടപ്പെട്ട സുജിത്തിന് നഷ്ടപരിഹാരം നൽകാനും സർക്കാർ തയാറാവണമെന്നും വി.എം. സുധീരൻ കത്തിൽ ആവശ്യപ്പെട്ടു.