ശ്രീ സ്വരാജ് നാണമില്ലേ, കരം അടച്ച രസീതുമായി പെട്ടെന്ന് സ്റ്റേഷനില്‍ എത്താന്‍ നോക്കൂ; രാഹുല്‍ മാങ്കൂട്ടത്തില്‍

തൃക്കാക്കരയില്‍ കള്ളവോട്ട് ചെയ്യാന്‍ ശ്രമിച്ചതിന് ഒരാള്‍ പിടിയിലായ സംഭവത്തില്‍ സിപിഎമ്മിനെതിരെ രൂക്ഷ വിമര്‍ശനവുമായി കോണ്‍ഗ്രസ് നേതാവ് രാഹുല്‍ മാങ്കൂട്ടത്തില്‍. വളഞ്ഞ വഴിയിലൂടെ യുഡിഎഫ് ഭൂരിപക്ഷം കുറയ്ക്കാന്‍ കഴിയുമോ എന്നാണ് സിപിഎം തൃക്കാക്കരയില്‍ തുടക്കം തൊട്ട് പരീക്ഷിക്കുന്ന തന്ത്രം. ആ കുതന്ത്രത്തിന്റെ ഭാഗമായ ഒരുപാട് നാടകങ്ങള്‍ നമ്മള്‍ കണ്ട്. ഒന്നും വേണ്ട പോലെ ഏല്ക്കുന്നില്ലായെന്ന് കണ്ട സിപിഎം ഇറക്കിയ അടുത്ത ആയുധമാണ് കള്ളവോട്ടെന്ന് രാഹുല്‍ ഫെയിസ്ബുക്കില്‍ കുറിച്ചു.

കളളവോട്ട് തടയാന്‍ വലിയ ജാഗ്രതയും തയ്യാറെടുപ്പുമാണ് ഞങ്ങള്‍ നടത്തിയിരിക്കുന്നത് എന്ന് പല തവണ ഓര്‍മ്മിപ്പിച്ചതാണ്. എന്നിട്ടും നിങ്ങള്‍ കള്ള വോട്ട് ചെയ്യാന്‍ വ്യാജ തിരിച്ചറിയല്‍ കാര്‍ഡ് കൊടുത്ത് ആളെ വിടുന്നു, ഞങ്ങള്‍ കൈയ്യോടെ പിടികൂടുന്നു. എന്തായാലും താങ്കള്‍ വ്യാജ കാര്‍ഡ് കൊടുത്ത് വിട്ട മറ്റൊരു സിപിഎം നേതാവിനെ കൂടി കള്ളവോട്ട് ചെയ്യുന്നതില്‍ നിന്ന് തടഞ്ഞ്, ഞങ്ങള്‍ പോലീസിനെ ഏല്‍പ്പിച്ചിട്ടുണ്ട്. കരം അടച്ച രസീതുമായി പെട്ടെന്ന് സ്റ്റേഷനില്‍ എത്താന്‍ നോക്കൂ എന്നും രാഹുല്‍ പോസ്റ്റില്‍ പറഞ്ഞു.

പൊന്നുരുന്നിയിലെ ബൂത്തിലാണ് കള്ളവോട്ട് ചെയ്യാന്‍ ശ്രമം നടന്നത്. പാമ്പാക്കുട സ്വദേശി ആല്‍ബിന്‍ എന്നയാളെ കള്ളവോട്ട് ചെയ്യാന്‍ ശ്രമിച്ചതിന് പോലീസ് അറസ്റ്റ് ചെയ്യുകയായിരുന്നു. യുഡിഎഫ് ബൂത്ത് ഏജന്റുമാരുടെ പരാതിയിലാണ് നടപടി.

പോസ്റ്റ് വായിക്കാം

ശ്രീ. സ്വരാജ്,

നാണമില്ലെ താങ്കൾക്ക്?

വളഞ്ഞ വഴിയിലൂടെ UDF ഭൂരിപക്ഷം കുറയ്ക്കുവാൻ കഴിയുമോയെന്നാണ് CPIM തൃക്കാക്കരയിൽ തുടക്കം തൊട്ട് പരീക്ഷിക്കുന്ന തന്ത്രം.

ആ കുതന്ത്രത്തിന്റെ ഭാഗമായ ഒരുപാട് നാടകങ്ങൾ നമ്മൾ കണ്ട്. ഒന്നും വേണ്ട പോലെ ഏല്ക്കുന്നില്ലായെന്ന് കണ്ട CPIM ഇറക്കിയ അടുത്ത ആയുധമാണ് കള്ളവോട്ട്.

കളളവോട്ട് തടയാൻ വലിയ ജാഗ്രതയും തയ്യാറെടുപ്പുമാണ് ഞങ്ങൾ നടത്തിയിരിക്കുന്നത് എന്ന് പല തവണ ഓർമ്മിപ്പിച്ചതാണ്. എന്നിട്ടും നിങ്ങൾ കള്ള വോട്ട് ചെയ്യാൻ വ്യാജ തിരിച്ചറിയൽ കാർഡ് കൊടുത്ത് ആളെ വിടുന്നു, ഞങ്ങൾ കൈയ്യോടെ പിടികൂടുന്നു.

നാണമില്ലെ മിസ്റ്റർ സ്വരാജ് തൃക്കാക്കരക്കാരുടെ ജനഹിതത്തെ വെല്ലുവിളിക്കാനും, അവരുടെ വോട്ട് നിയമവിരുദ്ധവും ജനാധിപത്യവിരുദ്ധവുമായ മാർഗത്തിലൂടെ മറ്റൊരാളെ കൊണ്ട് ചെയ്യിക്കാനും.

എന്തായാലും താങ്കൾ വ്യാജ കാർഡ് കൊടുത്ത് വിട്ട മറ്റൊരു CPIM നേതാവിനെ കൂടി കള്ളവോട്ട് ചെയ്യുന്നതിൽ നിന്ന് തടഞ്ഞ്, ഞങ്ങൾ പോലിസിനെ ഏല്പ്പിച്ചിട്ടുണ്ട്. കരം അടച്ച രസീതുമായി പെട്ടെന്ന് സ്റ്റേഷനിൽ എത്താൻ നോക്കു….

Content Highlights: Thrikkakkara, Congress, CPM, M Swaraj, LDF, Rahul Mamkoottathil, UDF