നിപ ബാധയെന്ന് സംശയം; കോഴിക്കോട് 14കാരൻ ചികിത്സയില്
![](https://sarklive.com/wp-content/uploads/2024/07/650eb2f4294cf.webp)
സംസ്ഥാനത്ത് വീണ്ടും നിപ വൈറസ് ബാധയെന്ന് സംശയം. മലപ്പുറം പെരിന്തല്മണ്ണ സ്വദേശിയായ 14കാരൻ രോഗ ലക്ഷണങ്ങളോടെ കോഴിക്കോട് സ്വകാര്യ ആശുപത്രിയില് ചികിത്സയിലാണ്.
കുട്ടിയുടെ സ്രവ സാമ്ബിളുകള് ഇന്ന് പൂനെ വൈറോളജി ഇൻസ്റ്റിറ്റ്യൂട്ടിലേക്ക് അയക്കും. നിലവില് ആരോഗ്യനില തൃപ്തികരമെന്നാണ് വിവരം.
ഇന്നലെയാണ് കുട്ടിയെ പെരിന്തല്മണ്ണയിലെ സ്വകാര്യ ആശുപത്രിയില് പ്രവേശിപ്പിച്ചത്. നിപ ലക്ഷണങ്ങള് കണ്ടതോടെ ഉടൻതന്നെ കോഴിക്കോട്ടെ ഒരു സ്വകാര്യ ആശുപത്രിയിലേക്ക് കുട്ടിയെ മാറ്റി. പ്രാഥമിക പരിശോധനയില് നിപ പോസിറ്റീവാണ് എന്നാണ് വിവരം. എന്നാല്, പൂനെ വൈറോളജി ഇൻസ്റ്റിറ്റ്യൂട്ടില് നിന്ന് പരിശോധനാ ഫലം വന്നാല് മാത്രമേ സ്ഥിരീകരിക്കാനാകൂ.