പൊലീസിനു നേരെ ആക്രമണം; ടി സിദ്ദ്ഖിന്റെ ഗണ്‍മാന് സസ്‌പെന്‍ഷന്‍

കോണ്‍ഗ്രസ് നടത്തിയ പ്രതിഷേധ മാര്‍ച്ചില്‍ പൊലീസിനെ ആക്രമിച്ച ടി സിദ്ദിഖ് എംഎല്‍എയുടെ ഗണ്‍മാനെ സസ്‌പെന്‍ഡ് ചെയ്തു. ശനിയാഴ്ച്ച വൈകുന്നേരം കല്‍പറ്റയില്‍ നടന്ന പ്രതിഷേധത്തിനിടെയാണ് ഗണ്‍മാന്‍ സ്മിബിന്‍ പൊലീസിനെ ആക്രമിച്ചത്. ഇതിന്റെ ദൃശൃങ്ങള്‍ പുറത്തുവന്നതോടെയായിരുന്നു നടപടി.

എംഎല്‍എയുടെ സുരക്ഷാ ചുമതലയുള്ള പൊലീസുകാരന്‍ ഇന്നലെ കോണ്‍ഗ്രസ് നടത്തിയ റാലിക്കിടെ ക്രമസമാധാന ഡ്യൂട്ടിയിലുണ്ടായിരുന്ന പൊലീസുകാരെ ആക്രമിച്ചത്. തുടര്‍ന്നാണ് വയനാട് ജില്ലാ പൊലീസ് മേധാവി ഗണ്‍മാനെ സസ്‌പെന്‍ഡ് ചെയ്തത്.

സ്‌പെഷല്‍ ബ്രാഞ്ച് നല്‍കിയ റിപ്പോര്‍ട്ടില്‍, സ്മിബിന്‍ സംഘര്‍ഷത്തിനിടെ പൊലീസുകാരെ ആക്രമിക്കുകയും യൂണിഫോം വലിച്ചു കീറുകയും ചെയ്‌തെന്ന് പറയുന്നു.

Content Highlights – T Siddique MLA’s gunman suspended, Attacking police during protest march by Congress