തെരഞ്ഞെടുപ്പ് ചിത്രം വ്യക്തം; തൃക്കാക്കരപ്പോരിന് 8 സ്ഥാനാര്‍ത്ഥികള്‍;

തൃക്കാക്കര ഉപതെരഞ്ഞെടുപ്പില്‍ മത്സരാര്‍ത്ഥികളുടെ ചിത്രം വ്യക്തമായി. പോരാട്ടത്തിനായി ഇനി 8 മത്സരാര്‍ത്ഥികളാണ് കളത്തിലുണ്ടാവുക. നാമനിര്‍ദേശപത്രിക പിന്‍വലിക്കാനുള്ള സമയപരിധി ഇന്ന് അവസാനിച്ചതോടെയാണ് സ്ഥാനാര്‍ഥികളുടെ കാര്യത്തിൽ അന്തിമ തീരുമാനമായത്.

ഭരണ പ്രതിപക്ഷ മുന്നണികളെ കൂടാതെ 5 സ്വതന്ത്ര സ്ഥാനാര്‍ഥികളാണ് തെരഞ്ഞെടുപ്പിനെ നേരിടുക. ബാലറ്റില്‍ യുഡിഎഫ് സ്ഥാനാര്‍ത്ഥി ഉമ തോമസിന്റെ പേരാണ് ആദ്യമുള്ളത്.

ജോ ജോസഫിന്റെ അപരനായി സ്വതന്ത്രന്‍ ജോമോന്‍ ജോസഫ് കരിമ്പ് ചിഹ്നത്തിലാണ് മത്സരിക്കുക. ബാക്കിയുള്ള നാല് സ്ഥാനാര്‍ത്ഥികള്‍ക്കും അവര്‍ ആവശ്യപെട്ട ചിഹ്നങ്ങള്‍ നല്‍കിയതായി തെരഞ്ഞെടുപ്പ് കമ്മീഷന്‍ അറിയിച്ചു. മൂന്ന് മുന്നണി സ്ഥാനാര്‍ത്ഥികളും 5 സ്വതന്ത്ര സ്ഥനാര്‍ത്ഥികളുമാണ് തൃക്കാക്കരപ്പോരിനിറങ്ങുന്നത്.

Content Highlight – The election picture is clear; 8 candidates for Thrikkakara By Election