നേതൃമാറ്റമില്ല; പിണറായി വിജയൻ പ്രധാനപ്പെട്ട നേതാവെന്ന് എം.വി. ഗോവിന്ദൻ

പിണറായി വിജയൻ ഏറ്റവും പ്രധാനപ്പെട്ട നേതാവാണെന്ന് സിപിഎം സംസ്ഥാന സെക്രട്ടറി എം.വി. ഗോവിന്ദൻ. തുടർഭരണത്തിലേക്ക് നയിക്കാൻ നെടുംതൂണായി നിന്ന നേതാവാണ് പിണറായിയെന്നും നേതൃമാറ്റമെന്ന കാര്യം പാർട്ടിക്കും സർക്കാരിനും മുൻപില്‍ ഇല്ലെന്നും എം.വി. ഗോവിന്ദൻ പറഞ്ഞു.

ഒരു മാധ്യമത്തിന് നല്‍കിയ അഭിമുഖത്തിലാണ് അദ്ദേഹം ഇക്കാര്യം അറിയിച്ചത്. ന്യൂനപക്ഷ പ്രീണനമെന്ന ആരോപണത്തില്‍ പാർട്ടിയില്‍ ആശയക്കുഴപ്പമില്ല. ന്യൂനപക്ഷ സംരക്ഷണം ലോകമെങ്ങും ഇടതുപക്ഷത്തിന്‍റെ പ്രധാനകാര്യമാണ്. സിപിഎം ന്യൂനപക്ഷ പ്രീണനം നടത്തുന്നുവെന്നത് ബിജെപിയുടെ പ്രചാരവേലയാണെന്നും എം.വി. ഗോവിന്ദൻ വ്യക്തമാക്കി.