പ്രശസ്ത നാടക-സിനിമാ നടന്‍ പൂ രാമു (60) ഹൃദയാഘാതത്തെ തുടര്‍ന്ന് അന്തരിച്ചു. തിങ്കളാഴ്ച വൈകീട്ട് ഏഴുമണിയോടെയാണ് മാന്ദ്യം സംഭവിച്ചത്. ഹൃദയാഘാതത്തെ തുടര്‍ന്ന് വെള്ളിയാഴ്ചയാണ് ചെന്നൈ സെന്‍ട്രലിലുള്ള രാജീവ് ഗാന്ധി സര്‍ക്കാര്‍ ആശുപത്രിയില്‍ അദ്ദേഹത്തെ പ്രവേശിപ്പിച്ചത്.
തെരുവു നാടക കലാകാരനായ രാമു 2008-ല്‍ പുറത്തിറങ്ങിയ പൂ എന്ന ചിത്രത്തിലെ അഭിനയത്തിലൂടെയാണ് തമിഴ് സിനിമയില്‍ ശ്രദ്ധിക്കപ്പെട്ടത്. തമിഴ്‌നാട് പുരോഗമന കഥാകൃത്തുക്കളുടെ കൂട്ടായ്മയില്‍ അംഗമായിരുന്നു രാമു. പിന്നീട് നീര്‍പറവൈ, പരിയേറും പെരുമാള്‍, കര്‍ണന്‍ തുടങ്ങിയ സിനിമകളില്‍ അഭിനയിച്ചു. തുടർന്ന് സൂര്യ നായകനായ സൂെരെ പോട്ര് എന്ന സിനിമയിലെ അച്ഛന്‍ വേഷത്തിലൂടെ തമിഴിന് പുറത്തും അദ്ദേഹം പ്രശസ്തനായി.
കോടിയില്‍ ഒരുവന്‍, പേരന്‍പ്, തിലഗര്‍, നീര്‍ പാര്‍വൈ, തങ്ക മീന്‍കള്‍, തുടങ്ങിയവയാണ് മറ്റ് പ്രധാന സിനിമകള്‍. മമമ്മൂട്ടി-ലിജോ ജോസ് പെല്ലിശേരി ചിത്രം നന്‍പകല്‍ നേരത്തു മയക്കത്തിലാണ് എന്ന ചിത്രത്തിലാണ് അവസാനം അഭിനയിച്ചത്. സംസ്‌കാരം ചൊവ്വാഴ്ച നടക്കും.
Trending Now
കേരളത്തിന് സമീപം ചക്രവാത ചുഴി; മഴ ശക്തമാകും
You may also like
