സിംഹത്തിന്റെ വായില്‍ കയ്യിട്ടു; വിരല്‍ കടിച്ചെടുത്ത്‌ സിംഹം – വിഡിയോ വൈറൽ

മൃഗശാലകള്‍ സന്ദര്‍ശിക്കുമ്പോള്‍ വന്യമൃഗങ്ങളോട് ഇടപെടുന്നതിൽ അതീവ ജാഗ്രത കാണിക്കണമെന്നാണ് പൊതുവെ പറയാറ്. എന്നാല്‍ മൃഗശാല ജീവനക്കാരന്‍ തന്നെ ഇത് ലംഘിച്ചാലോ. ഇത്തരമൊരു വീഡിയോ ആണ് സമൂഹമാധ്യമത്തില്‍ വൈറലായത്. കരീബിയന്‍ ദ്വീപുരാജ്യമായ ജമൈക്കയിലാണ് സംഭവം.

കൂട്ടില്‍ കിടക്കുന്ന സിഹത്തിന്റെ വായില്‍ കയ്യിടുകയും മുഖത്തെ രോമത്തില്‍ പിടിച്ചുവലിക്കുകയും ചെയ്യുന്ന മൃഗശാല ജീവനക്കാരന്റെ പെരുമാറ്റത്തില്‍ പ്രകോപിതനായ സിംഹം അദ്ദേഹത്തിന്റെ കൈവിരല്‍, ദേഷ്യം കൊണ്ട് കടിച്ചുപറിക്കുന്ന ദൃശ്യമാണ് സോഷ്യല്‍ മീഡിയയില്‍ വൈറലായത്.

ജീവനക്കാരന്റെ വിരല്‍ സിംഹത്തിന്റെ വായില്‍ കുടുങ്ങിയതോടെ സിംഹം കടിച്ചു പറിക്കുകയായിരുന്നു. കുടുങ്ങിയ കൈവലിച്ചെടുക്കാന്‍ ജീവനക്കാരന്‍ പരമാവധി ശ്രമിച്ചെങ്കിലും ജീവനക്കാരന്റെ ശ്രമം പരാജയപ്പെട്ടു.