പാകിസ്താന്‍ ദിനാഘോഷം, മുദ്രാവാക്യം വിളി; മഹാരാഷ്‌ട്രയില്‍ രണ്ട് പേര്‍ പിടിയില്‍

പൂനെയില്‍ പാകിസ്താൻ ദിനം ആഘോഷിച്ച രണ്ടുപേരെ പൊലീസ് അറസ്റ്റ് ചെയ്തു. പൂനെയിലെ കോണ്ട്‍വയില്‍ ഓഗസ്റ്റ് 14 നായിരുന്നു സംഭവം. അക്ബര്‍ നദാഫ്, തൗഖിര്‍ എന്നിവരാണ് പിടിയിലായത്.

ഇരുവരും പാകിസ്താൻ ദിനം ആഘോഷിക്കുകയും പരസ്യമായി പാകിസ്താൻ അനുകൂല മുദ്രാവാക്യം മുഴക്കുകയും ചെയ്തു. പാക് അനുകൂല മുദ്രാവാക്യം കേട്ട പ്രദേശവാസികള്‍ പൊലീസിൽ വിവരം അറിയിക്കുകയായിരുന്നു. തുടര്‍ന്ന് പൊലീസെത്തി ഇരുവരെയും കസ്റ്റഡിയിലെടുത്തു. ഇരുവര്‍ക്കുമെതിരെ ആര്‍ട്ടിക്കിള്‍ 153 ചുമത്തിയാണ് കേസ് രജിസ്റ്റര്‍ ചെയ്തത്.

പാകിസ്താൻ ദിനത്തിനാണ് പ്രതികള്‍ പ്രകോപനപരമായ മുദ്രാവാക്യങ്ങള്‍ വിളിച്ചത്. പ്രതികളായ അക്ബര്‍ നദാഫും തൗഖീറും സ്വകാര്യ സ്ഥാപനങ്ങളിലെ സെക്യൂരിറ്റി ജീവനക്കാരാണ്.