ബി.ജെ.പിയെ തോല്‍പ്പിക്കാൻ ഒന്നിച്ച്‌ നില്‍ക്കണം, കോണ്‍ഗ്രസ് അത് ചെയ്തില്ലെന്ന് മുഖ്യമന്ത്രി

ബി.ജെ.പിയെ തോല്‍പ്പിക്കാൻ ഒന്നിച്ച്‌ നില്‍ക്കണമെന്നും കോണ്‍ഗ്രസ് അത് ചെയ്തില്ലെന്നും മുഖ്യമന്ത്രി പിണറായി വിജയൻ. തെരഞ്ഞെടുപ്പില്‍ കോണ്‍ഗ്രസിനേറ്റ തിരിച്ചടി ബി.ജെ.പിക്കെതിരെ യോജിക്കാവുന്നവരെ എല്ലാവരെയും ഒപ്പം കൂട്ടാൻ കഴിയാത്തത് കൊണ്ടാണ്.

വര്‍ഗീയതക്കെതിരെ ശക്തമായ നിലപാട് സ്വീകരിക്കാൻ കോണ്‍ഗ്രസ് തയാറായില്ല. എല്ലാവരും ഒന്നിച്ച്‌ നിന്നാല്‍ ബി.ജെ.പി യെ പരാജയപ്പെടുത്താവുന്നതേയുള്ളൂ. ഇക്കാര്യം മനസിലാക്കി പ്രവര്‍ത്തിക്കാൻ കോണ്‍ഗ്രസ് തയാറാകണം.

നാല് സംസ്ഥാനങ്ങളിലേക്ക് നടന്ന തെരഞ്ഞെടുപ്പില്‍ മൂന്നിടത്തും തോല്‍വിയിലേക്ക് പോകുന്ന കോണ്‍ഗ്രസിനെ വിമര്‍ശിച്ചാണ് മുഖ്യമന്ത്രി ഇക്കാര്യം വ്യക്തമാക്കിയത്.