കുവൈത്തിലേക്ക് കടല്‍ വഴി മയക്കുമരുന്ന് കടത്താൻ ശ്രമിച്ച ആറു പേര്‍ അറസ്റ്റില്‍

കുവൈത്തിലേക്ക് കടല്‍ വഴി മയക്കുമരുന്ന് കടത്താൻ ശ്രമിച്ച ആറു പേരെ അറസ്റ്റ് ചെയ്തു. 350 കിലോ ഹഷീഷ് ഇവരില്‍ നിന്ന് പിടികൂടി.

ലഹരിക്കടത്തുകാരെ കുറിച്ച വിവരം ലഭിച്ച കുവൈത്ത് തീരരക്ഷ സേന സംഘത്തെ പിന്തുടർന്നാണ് പിടികൂടിയത്. തീരരക്ഷ സേനയെ കണ്ട ലഹരിസംഘം ബോട്ടുകള്‍ അതിവേഗത്തില്‍ ഓടിച്ച്‌ രക്ഷപ്പെടാൻ ഒരുങ്ങിയെങ്കിലും പിന്നീട് പിന്തുടർന്ന് പിടികൂടുകയായിരുന്നു. കരക്കെത്തിച്ച്‌ ബോട്ട് പരിശോധിച്ചപ്പോള്‍ ഹഷീഷ് കണ്ടെത്തി.

13 ബാഗുകളിലായി മറ്റ് വസ്തുക്കള്‍ക്കൊപ്പം ഒളിപ്പിച്ച നിലയിലായിരുന്നു ലഹരി മരുന്നുകള്‍. പരിശോധനയില്‍ പങ്കെടുത്ത ഉദ്യോഗസ്ഥന്മാരെ ആഭ്യന്തര മന്ത്രാലയം അഭിനന്ദിച്ചു.